អនាគតរបស់ប្រទេសកម្ពុជានិងការបណ្ដុះធុរកិច្ចថ្មីគឺជាសារដ៏ទូលំទូលាយនៅក្នុងវេទិកា Startup Ecosystem Forum: Connect 2024 ដែលបានរៀបចំឡើងនៅ Raintree Cambodia ក្នុងទីក្រុងភ្នំពេញកាលពីថ្ងៃសុក្រ។ ព្រឹត្តិការណ៍នេះត្រូវបានធ្វើឡើងក្នុងគោលបំណងផ្តល់ឱកាសរិះគិត ជជែកពិភាក្សា ចែករំលែកចំណេះដឹង និងកិច្ចសហការសម្រាប់ឆ្នាំខាងមុខ។
ក្នុងចំណោមបទបង្ហាញដែលធ្វើឡើងដោយអ្នកវិនិយោគផ្សេងៗ អ្នកចាប់ផ្តើមអាជីវកម្ម និងអ្នកផ្តល់ប្រឹក្សារបានពិភាក្សាលើសកម្មភាពរួមដើម្បីបណ្តុះការចាប់ផ្ដើមអាជីវកម្មឆ្ពោះទៅរកភាពជោគជ័យ ដែលសម្របសម្រួលដោយ សុខ ណាំ អ្នកសម្របសម្រួលកម្មវិធីបណ្តុះធុរកិច្ចថ្មីនៃមជ្ឈមណ្ឌលបណ្តុះធរុកិច្ចថ្មីតេជោ។ ឈីម ប៊ុនឈុន អ្នកផ្តល់ប្រឹក្សាមកពីBig Data, NICC, Oum Vantharith, Senior Startup Development Specialist, TSC និង Uk Remi, General Manager, Obor Capital ក៏បានចូលរួមបញ្ចេញមតិផងដែរ។ ទន្ទឹមនឹងនេះ មានអ្នកចូលរួមក្នុងព្រឹត្តិការណ៍នេះជាង១០០នាក់។
Oum Vantharith បាននិយាយប្រាប់កាសែតខ្មែរថាមស៍ថា បញ្ហាប្រឈមចម្បងនៅកម្ពុជាក្នុងការបណ្តុះធុរកិច្ចថ្មីគឺការខ្វះថវិការ និងធនធាន ជាពិសេសសម្រាប់ការចាប់ផ្តើមអាជីវកម្មបច្ចេកវិទ្យា។ ទំហំទីផ្សារតូចធ្វើឱ្យវាមានការប្រកួតប្រជែងសម្រាប់វិនិយោគិនដើម្បីសម្រេចបានប្រាក់ចំណេញពីការវិនិយោគរបស់ពួកគេ។
ជំនាញ និងបទពិសោធន៍មានកម្រិតរបស់សមាជិកក្រុមគឺជាបញ្ហាមួយទៀតសម្រាប់ការចាប់ផ្តើមអាជីវកម្ម។ វាពិតជាលំបាកសម្រាប់ពួកគេក្នុងការដោះកង្វះបណ្តាញទាក់ទង និងកង្វះអ្នកប្រឹក្សាដែលមានសមត្ថភាព។ បទប្បញ្ញត្តិពន្ធផ្សេងៗគឺជាឧបសគ្គមួយផ្សេងទៀតសម្រាប់ការចាប់ផ្តើមអាជីវកម្ម ដោយសារពួកគេត្រូវអនុលោមតាម ខណៈដែលត្រូវផ្តោតលើការធ្វើអាជីវកម្មដែលនេះជាបញ្ហាប្រឈមយ៉ាងខ្លាំង។
កម្ពុជាជាទីផ្សារដែលមានសេដ្ឋកិច្ចរីកចម្រើន។ ប្រទេសនេះមានប្រជាជនវ័យក្មេងច្រើន ដែលបង្ហាញពីមូលដ្ឋានអ្នកប្រើប្រាស់ដ៏សំខាន់។ ទោះបីជាប្រព័ន្ធអេកូឡូស៊ីនៃការបណ្តុះធរុកិច្ចថ្មីនៅមានទំហំតូចក៏ដោយ ក៏មានការសហការជាច្រើនជាមួយក្រុមហ៊ុនបណ្តុះធុរកិច្ចថ្មីក្នុងស្រុក និងការគាំទ្រជាបន្តបន្ទាប់ រួមទាំងជំនួយពីអង្គការដែលគាំទ្រសហគ្រិនដូចជា សាកលវិទ្យាល័យ និងក្រុមហ៊ុនផ្សេងៗ។
រាជរដ្ឋាភិបាលកម្ពុជាបានដាក់ចេញនូវគោលនយោបាយលើកទឹកចិត្តសហគ្រិនភាព និងនុវានុវត្តន៍ ដូចជាការលើកទឹកចិត្តផ្នែកពន្ធ ការសម្រួលដំណើរការចុះបញ្ជីអាជីវកម្ម និងការគាំទ្រការប្រើប្រាស់បច្ចេកវិទ្យា។ ប្រព័ន្ធអេកូឡូស៊ីនៃការបណ្តុះធុរកិច្ចថ្មីអាចជួយរដ្ឋាភិបាលសម្រេចបាននូវយុទ្ធសាស្រ្តបញ្ចកោណ ដោយរួមចំណែកជួយដល់សហគ្រាសធុនតូច និងមធ្យមបែបប្រពៃណី ដើម្បីឆ្ពោះទៅរកឌីជីថល និងរីកចម្រើនក្នុងយុគសម័យឌីជីថល។
បើនិយាយពីការអភិវឌ្ឍន៍ធនធានមនុស្ស ប្រព័ន្ធអេកូឡូស៊ីបណ្តុះធុរកិច្ចថ្មីអាចបង្កើតឱកាសការងារ ជាពិសេសសម្រាប់អ្នកជំនាញវ័យក្មេង និងនិស្សិតបញ្ចប់ការសិក្សា។ តាមរយៈការជំរុញវប្បធម៌នៃការច្នៃប្រឌិត និងសហគ្រិនភាព ប្រព័ន្ធអេកូឡូស៊ីលើកទឹកចិត្តដល់ការអភិវឌ្ឍជំនាញ និងការរៀនសូត្រពេញមួយជីវិត។
ការបណ្តុះធុរកិច្ចថ្មីរួមចំណែកដល់ការធ្វើពិពិធកម្មសេដ្ឋកិច្ចលើសពីវិស័យប្រពៃណីដូចជាការអភិវឌ្ឍន៍វិស័យឯកជន។ ប្រព័ន្ធអេកូឡូស៊ីនៃការបណ្តុះធុរកិច្ចថ្មីដ៏រស់រវើកទាក់ទាញការវិនិយោគពីបរទេស និងលើកកម្ពស់កិច្ចសហប្រតិបត្តិការជាមួយក្រុមហ៊ុនដែលបានបង្កើតឡើង។
ការបណ្តុះធុរកិច្ចថ្មីជាមជ្ឈមណ្ឌលនៃការបង្កើតថ្មី ការអភិវឌ្ឍន៍ដំណោះស្រាយដ៏ទំនើប ដោយហេតុនេះផ្តល់ថាមពលដល់ការច្នៃប្រឌិតឌីជីថល និងវឌ្ឍនភាពបច្ចេកវិទ្យានៅក្នុងព្រះរាជាណាចក្រកម្ពុជា។ វិស័យនេះក៍ជួយជំរុញឱ្យមានភាពជឿនលឿនផ្នែកបច្ចេកវិទ្យានៅក្នុងផ្នែកដូចជា fintech, agritech វិទ្យាសុខភាព និងពាណិជ្ជកម្មតាមប្រព័ន្ធអេឡិចត្រូនិក។
ដោយបានសួរអំពីអនាគតនៃវិស័យនេះក្នុងពេល១០ ឆ្នាំទៅមុខ លោក Vantharith បាននិយាយថា វិស័យបណ្តុះធុរកិច្ចថ្មីនេះត្រូវបានរំពឹងថានឹងមានការរីកចម្រើន និងការផ្លាស់ប្តូរគួរឱ្យកត់សម្គាល់។ ការផ្លាស់ប្តូរផ្នត់គំនិត កំពុងធ្វើអោយវិស័យនេះមានភាពរីកចម្រើនទៅមុខ និងតាមទាន់ប្រទេសសមាជិកអាស៊ាន៦ ដែលមានការអភិវឌ្ឍន៍ខ្លាំងនៅក្នុងវិស័យនេះ។
នៅពេលដែលការយល់ដឹងអំពីសក្ដានុពលនៃការបណ្តុះធុរកិច្ចថ្មីរបស់កម្ពុជាកាន់តែរីកចម្រើន អ្នកវិនិយោគក្នុងស្រុក និងអន្តរជាតិកាន់តែច្រើននឹងចូលរួម។ ក្រុមហ៊ុនបណ្តាក់ទុនវិនិយោគ វិនិយោគិន និងមូលនិធិសាជីវកម្មនឹងផ្តល់ដើមទុននៃការចាប់ផ្តើមអាជីវកម្មដ៏ជោគជ័យ ដែលនាំទៅរកការបង្កើនការវិនិយោគ និងការផ្តល់មូលនិធិបន្ថែម។
ការបណ្តុះធុរកិច្ចដែលមានស្រាប់នឺងទទួលបានលំនឹង បទពិសោធន៍ និងអាចពង្រីកប្រតិបត្តិការរបស់ពួកគេ។ ភាពជោគជ័យរបស់ IPOs ឬ Unicorn Startup នឹងលើកទឹកចិត្តដល់ស្ថាបនិក និងសហគ្រិនជំនាន់ក្រោយ។
ការបណ្តុះធុរកិច្ចថ្មីនឹងនាំមុខគេក្នុងការទទួលយកឌីជីថលនៅទូទាំងឧស្សាហកម្ម។ ពាណិជ្ជកម្មតាមប្រព័ន្ធអេឡិចត្រូនិក ការទូទាត់តាមឌីជីថល និងការវិភាគទិន្នន័យនឹងក្លាយទៅកត្តាសំខាន់។ អាជីវកម្មបែបប្រពៃណីនឹងស្វែងរកដំណោះស្រាយបច្ចេកវិទ្យាដើម្បីរក្សាការប្រកួតប្រជែង។
ខណៈដែលកម្ពុជាឈានទៅរកអនាគត រដ្ឋាភិបាលកំពុងកំណត់ក្តីសង្ឃឹមរបស់ខ្លួនលើការបណ្តុះធុរកិច្ចថ្មី ដើម្បីសម្រេចបាននូវយុទ្ធសាស្ត្របញ្ចកោណរបស់ខ្លួន។ ឌីជីថលនីយកម្មអាចជាគន្លឹះនៃវឌ្ឍនភាព ប៉ុន្តែការបណ្តុះធុរកិច្ចថ្មីគឺជាអាថ៌កំបាំងនៃភាពជោគជ័យសម្រាប់សេដ្ឋកិច្ច។