យោងតាមស្ថិតិបឋមរបស់អាស៊ានបានឲ្យដឹងថា ទំហំពាណិជ្ជកម្មរវាងអាស៊ាន និង ឥណ្ឌា មានចំនួន ១១៣ ពាន់លានដុល្លារក្នុងឆ្នាំ ២០២២ ពោលគឺមានការកើន២៣,៤ ភាគរយ។
យោងតាមសេចក្តីថ្លែងការណ៍របស់
អាស៊ានបានឲ្យដឹងថា កិច្ចប្រជុំការប្រឹក្សា
AEM-India លើកទី ២០ ដែលប្រារព្ធឡើងនៅទីក្រុង Semarang ប្រទេសឥណ្ឌូនេស៊ីកាលពីម្សិលមិញត្រូវបានដឹកនាំដោយ Zulkifli Hasan រដ្ឋមន្ត្រីក្រសួងពាណិជ្ជកម្មនៃសាធារណរដ្ឋឥណ្ឌូនេស៊ី និង លោក Rajesh Agrawal លេខាធិការនៃនាយកដ្ឋានពាណិជ្ជកម្ម ក្រសួងពាណិជ្ជកម្ម និងឧស្សាហកម្មឥណ្ឌា។
ការវិនិយោគដោយផ្ទាល់ពីបរទេសសរុប
( FDI ) ពីឥណ្ឌាមានការកើនឡើងទំហំទឹកប្រាក់ ៦៨១ លានក្នុងឆ្នាំ ២០២២។
កិច្ចប្រជុំខាងលើក៏បានស្វាគមន៍ការបង្កើតភាពជាដៃគូយុទ្ធសាស្ត្រគ្រប់ជ្រុងជ្រោយ
អាស៊ាន-ឥណ្ឌា ដែលមានអត្ថន័យ ខ្លឹមសារ និងផលប្រយោជន៍ទៅវិញទៅមក ក្នុងកិច្ចប្រជុំកំពូលអាស៊ាន-ឥណ្ឌា លើកទី១៩ នៅថ្ងៃ
ទី១២ ខែវិច្ឆិកា ឆ្នាំ២០២២។
ឥណ្ឌា និង អាស៊ាន បានបង្ហាញពីការ
បេជ្ញាចិត្តរបស់ពួកគេក្នុងការពង្រឹង និងពង្រីកកិច្ចសហប្រតិបត្តិការក្នុងការធានាថា ភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-ឥណ្ឌាផ្តល់ផលប្រយោជន៍ដល់ភាគីទាំងពីរ ពិសេសក្រោយការរាតត្បាតជំងឺកូវីដ-១៩។
ភាគីទាំងពីរបានផ្លាស់ប្តូរនៅបញ្ហាប្រឈមក្នុងតំបន់និងសាកល ដូចជាការរាតត្បាតជំងឺកូវីដ-១៩ ការផ្លាស់ប្តូរអាកាសធាតុ ទីផ្សារហិរញ្ញវត្ថុសាកល សម្ពាធអតិផរណា និង ភាពតានតឹងនយោបាយដែលផ្តល់ផលប៉ះពាល់ដោយស្បៀងអាហារជាសាកល និង សន្តិសុខថាមពល ដែលទាំងអស់នេះអាចជះឥទ្ឋិពលជាសាកលដល់សេដ្ឋកិច្ច និង ទំនាក់ទំនងពាណិជ្ជកម្មរវាងអាស៊ាន និង ឥណ្ឌា។
កិច្ចខាងប្រជុំខាងលើក៏បានបង្ហាញពីការគាំទ្រភាពជាប្រធានG២០ របស់ឥណ្ឌាក្រោមប្រធានបទ ភពផែនដីមួយ គ្រួសារមួយ និង
អនាគតតែមួយ ដែលធ្វើឲ្យមានកំណើនសមភាពសម្រាប់ទាំងអស់គ្នានៅលើពិភពលោក នៅក្នុងភាពមានស្ថេរភាព ប្រវត្តិសាស្រ្ត ទំនួលខុសត្រូវ និងភាពផ្តាច់មុខ។
កិច្ចប្រជុំក៏បានបេជ្ញាលើការគាំទ្រប្រទេសទីម័រខាងកើតជាសមានជិករដ្ឋអាស៊ានដោយផ្តល់ជំនួយបច្ចេកទេស កសាងសមត្ថភាព និងជួយសម្រួលដល់ការធ្វើសមាហរណកម្មរបស់ទីម័រខាងកើតទៅក្នុងចរន្តសំខាន់នៃទំនាក់ទំនងសេដ្ឋកិច្ចអាស៊ាន-ឥណ្ឌាផងដែរ។
កិច្ចប្រជុំនោះបានប្រារព្ឋឡើងឆ្ពោះទៅកិច្ចប្រជុំរដ្ឋមន្រ្តីសេដ្ឋកិច្ចអាស៊ាន។
យោងតាមសេចក្តីថ្លែងការណ៍ភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-ឥណ្ឌាបានឲ្យដឹងថា ទំនាក់ទំនងកិច្ចសន្ទនា
អាស៊ាន-ឥណ្ឌា មានការកើនឡើងខ្លាំងពីភាពជាដៃគូសន្ទនាតាមវិស័យក្នុងឆ្នាំ ១៩៩២ ទៅជាភាពជាដៃគូសន្ទនាពេញលេញក្នុងខែធ្នូ ឆ្នាំ ១៩៩៥។
ទំនាក់ទំនងនេះត្រូវបានវាយតម្លៃជាមួយនឹងការរៀបចំកិច្ចប្រជុំកំពូលអាស៊ាន-ឥណ្ឌា ក្នុងឆ្នាំ២០០២ នៅរាជធានីភ្នំពេញ៕
ប្រែសម្រួលដោយ៖ សុ ជាតា