អង្គការស្បៀងអាហារ និងកសិកម្មនៃអង្គការសហប្រជាជាតិ (FAO) កំពុងសហការជាមួយរដ្ឋបាលជលផលកម្ពុជា ដើម្បីពង្រឹងកិច្ចខិតខំប្រឹងប្រែងរបស់ប្រទេសកម្ពុជាប្រឆាំងនឹងការនេសាទខុសច្បាប់ គ្មានរបាយការណ៍ និងគ្មានការអនុញ្ញាត។
តាមរយៈកម្មវិធីបណ្តុះបណ្តាលដ៏ទូលំទូលាយ ភាគីពាក់ព័ន្ធក្នុងវិស័យជលផលរបស់កម្ពុជា រួមមានមន្ត្រីរដ្ឋបាលជលផលកម្ពុជា កងពល និងមន្ទីរកសិកម្ម រុក្ខាប្រមាញ់ និងនេសាទខេត្ត នឹងត្រូវបានពង្រឹងចំណេះដឹង និងជំនាញ ដើម្បីអនុវត្តកិច្ចព្រមព្រៀងស្តីពីវិធានការរដ្ឋម្ចាស់កំពង់ផែ ប្រកបដោយប្រសិទ្ធភាព។ សន្ធិសញ្ញាអន្តរជាតិដែលចងភ្ជាប់នេះផ្តោតលើការទប់ស្កាត់ និងលុបបំបាត់ការនេសាទខុសច្បាប់ គ្មានរបាយការណ៍ និងគ្មានការអនុញ្ញាត។
ការនេសាទខុសច្បាប់ គ្មានរបាយការណ៍ និងគ្មានការគ្រប់គ្រង បង្កការគំរាមកំហែងយ៉ាងខ្លាំងដល់ប្រព័ន្ធអេកូឡូស៊ីក្នុងទឹក និងការគ្រប់គ្រងជលផលប្រកបដោយនិរន្តរភាព។ កម្ពុជាដែលបច្ចុប្បន្នស្ថិតក្នុងបញ្ជីកាតក្រហមរបស់សហភាពអឺរ៉ុប មិនអាចនាំចេញគ្រឿងសមុទ្រទៅកាន់សហភាពអឺរ៉ុបបានទេ ដោយសារវិធានការមិនគ្រប់គ្រាន់ក្នុងការប្រយុទ្ធប្រឆាំងនឹងការនេសាទខុសច្បាប់។
ដើម្បីដោះស្រាយបញ្ហានេះ FAO និង រដ្ឋបាលជលផលកម្ពុជា កំពុងសហការគ្នាដើម្បីបង្កើនសមត្ថភាពរបស់កម្ពុជាក្នុងការដោះស្រាយបញ្ហានេសាទខុសច្បាប់ និងធានាបាននូវអនុលោមភាពតាមច្បាប់ជលផលអន្តរជាតិ។
កម្មវិធីបណ្តុះបណ្តាលនេះមានគោលបំណងកសាងសមត្ថភាពលើទិដ្ឋភាពផ្សេងៗនៃកិច្ចព្រមព្រៀងស្តីពីវិធានការកំពង់ផែរដ្ឋ ដោយសង្កត់ធ្ងន់លើការបង្កើតនីតិវិធីស្តង់ដារប្រតិបត្តិការសម្រាប់កប៉ាល់នេសាទបរទេសដែលមកទស្សនា និងលែងត្រីនៅក្នុងកំពង់ផែរបស់កម្ពុជា។ តាមរយៈការអនុវត្តកិច្ចព្រមព្រៀងស្តីពីវិធានការរដ្ឋម្ចាស់កំពង់ផែ មន្ត្រីរដ្ឋបាលជលផលកម្ពុជា រួមទាំងកងកម្លាំងនិងមន្ទីរកសិកម្ម រុក្ខាប្រមាញ់ និងនេសាទខេត្ត នឹងមានឧបករណ៍ និងចំណេះដឹងក្នុងការទប់ស្កាត់ បង្កានិងលុបបំបាត់សកម្មភាពនេសាទខុសច្បាប់ នៅក្នុងខេត្តជាប់មាត់សមុទ្រ។
បណ្ឌិត ជិន លក្ខិណា នាយករងរដ្ឋបាលជលផលកម្ពុជា លើកឡើងពីសារៈសំខាន់នៃការអនុវត្ត កិច្ចព្រមព្រៀងស្តីពីវិធានការរដ្ឋម្ចាស់កំពង់ផែ ក្នុងការបំពេញតម្រូវការអន្តរជាតិ និងការប្រយុទ្ធប្រឆាំងនឹងការនេសាទខុសច្បាប់។ លោកមានប្រសាសន៍ថា “កិច្ចព្រមព្រៀងស្តីពីវិធានការរដ្ឋម្ចាស់កំពង់ផែ គឺជាកិច្ចព្រមព្រៀងអន្តរជាតិដែលចងភ្ជាប់ជាលើកដំបូងដែលផ្តោតជាពិសេសលើការនេសាទខុសច្បាប់។ តាមរយៈការរារាំងនាវាដែលចូលរួមក្នុងសកម្មភាពទាំងនេះពីការប្រើប្រាស់កំពង់ផែ និងការចូលនេសាទរបស់ពួកគេ យើងកាត់បន្ថយគម្រោងរបស់ពួកគេក្នុងការបន្តប្រតិបត្តិការ និងរារាំងផលិតផលនេសាទរបស់ពួកគេមិនឱ្យទៅដល់ទីផ្សារជាតិ និងអន្តរជាតិ។ ”
ការដាក់បញ្ចូលកម្ពុជានៅក្នុងបញ្ជីកាតក្រហមរបស់សហភាពអឺរ៉ុបបង្ហាញពីការចំាបាច់ឱ្យមានវិធានការបន្ទាន់ដើម្បីដោះស្រាយការអនុវត្តការនេសាទខុសច្បាប់។ តាមរយៈការចូលរួមក្នុងកម្មវិធីបណ្តុះបណ្តាល កិច្ចព្រមព្រៀងស្តីពីវិធានការរដ្ឋម្ចាស់កំពង់ផែ និងអនុវត្តគោលការណ៍ណែនាំរបស់ខ្លួន កម្ពុជាមានគោលបំណងឱ្យបញ្ជីកាតក្រហមត្រូវបានដកចេញ ដែលអនុញ្ញាតឱ្យមានការបន្តការនាំចេញគ្រឿងសមុទ្រទៅកាន់ទីផ្សារសហភាពអឺរ៉ុប។
Marcel Kroese អ្នកជំនាញជលផលមកពីអង្គការ FAO សង្កត់ធ្ងន់លើសារៈសំខាន់នៃការកសាងសមត្ថភាពក្នុងចំណោមមន្ត្រីរដ្ឋាភិបាល ដើម្បីពង្រឹងការត្រួតពិនិត្យ ការល្បាត និងការឃ្លាំមើល។ គាត់បាននិយាយថា “ដើម្បីអនុវត្តកិច្ចព្រមព្រៀងស្តីពីវិធានការរដ្ឋម្ចាស់កំពង់ផែ វាមានសារៈសំខាន់ណាស់ក្នុងការកសាងសមត្ថភាពមន្ត្រីរដ្ឋាភិបាលក្នុងការពង្រឹងការត្រួតពិនិត្យ ការល្បាត និងការឃ្លាំមើល ដើម្បីឱ្យកម្ពុជាអាចអនុវត្តនីតិវិធីប្រតិបត្តិការស្តង់ដារ កិច្ចព្រមព្រៀងស្តីពីវិធានការដ្ឋម្ចាស់កំពង់ផែរជាលក្ខណៈអន្តរជាតិ។ FAO