គម្រោង​សួន​ឧស្សាហកម្ម​កម្ពុជា​-​ចិន​ ​ក្នុង​តំបន់​ក្នុង​តំបន់​ស្វយ័ត​ក្វា​ង​ស៊ី​ ​ជ័ង​(​G​u​an​g​x​i​ ​Z​h​u​an​g​)​បម្រើ​ជា​ទីតាំង​ដ៏​សំខាន់​សម្រាប់​សកម្មភាព​ពាណិជ្ជកម្ម​របស់​ប្រទេស​ចិន​ជាមួយ​បណ្តា​ប្រទេស​អា​ស៊ាន​ ​ដោយ​សម្រួល​ដល់​ការនាំចេញ​ ​និង​នាំចូល​។

H​u​an​g​ ​H​a​i​bo​ប្រធាន​សមាគម​ជំរុញ​សេដ្ឋកិច្ច​ ​និង​ពាណិជ្ជកម្ម​រវាង​អា​ស៊ាន​និង​ខេត្ត​ក្វា​ង​ស៊ី​បាន​ប្រាប់​កាសែត​ ​Khmer​ ​Time​s ​នៅ​ទីក្រុង​ក្វា​ង​ស៊ី​កាលពី​ថ្ងៃសុក្រ​ថា​ “​ឧស្សាហកម្ម​ចំនួន​២​៥​បាន​វិនិយោគ​រួចហើយ​នៅ​ក្នុង​សួន​ឧស្សាហកម្ម​នេះ​ ​ដោយមាន​បន្ថែម​សហគ្រាស​ថ្មី​ចំនួន​៦​ ​ទៀត​។​

“​គិត​ត្រឹម​ខែ​ធ្នូ​ ​ឆ្នាំ​២​០​២​២​ ​ក្រុមហ៊ុន​សរុប​ចំនួន​ ​៥​៦​ (​មិនមែន​ផ្នែក​ហិរញ្ញវត្ថុ​) ​មកពី​ខេត្ត​ក្វា​ង​ស៊ី​បាន​វិនិយោគ​នៅ​កម្ពុជា​។

​ទំនិញ​សំខាន់​ៗ​ដែល​ខេត្ត​ក្វា​ង​ស៊ី​នាំចូល​មក​កម្ពុជា​មាន​ដូចជា​ ​គ្រឿងបន្លាស់​ ​ម៉ាស៊ីន​ផលិត​ស្រា​ ​ខ្សែ​រុំ​អគ្គិសនី​ ​ជី​កសិកម្ម​ ​បំពង់​អគ្គិសនី​ ​និង​ឧបករណ៍​បញ្ជូន​អុបទិក​ ​ជាដើម​។​

​ទន្ទឹម​នឹង​នេះ​ ​ផលិតផល​នាំចេញ​របស់​កម្ពុជា​ទៅកាន់​ខេត្ត​ក្វា​ង​ស៊ី​ ​រួម​មាន​អង្ករ​ ​ដំឡូងមី​ស្ងួត​ ​ម្សៅ​ដំឡូងមី​ ​ផលិតផល​កសិកម្ម​ ​ឧបករណ៍​បំ​លែង​សៀ​គ្វី ​និង​ផលិតផល​ផ្សេងៗ​ទៀត​។​

​លោក​បាន​សង្កត់ធ្ងន់​ថា​ ​បញ្ហា​ប្រឈម​សំខាន់​ក្នុង​ការ​ពង្រឹង​ទំនាក់ទំនង​ពាណិជ្ជកម្ម​ជាមួយ​កម្ពុជា​ ​និង​អា​ស៊ាន​ទាំងមូល​ ​គឺ​កង្វះ​ខ្សែ​សង្វាក់​ផ្គត់ផ្គង់​ ​ដូចជា​ហេ​ដ្ឋា​រចនា​ស​ម្ព័ន្ធ​ដឹកជញ្ជូន​ជាដើម​។​

​ដើម្បី​ជម្នះ​បញ្ហា​នេះ​ ​លោក​បាន​លើកឡើង​ថា​ ​ការ​បង្កើន​កិច្ច​សហប្រតិបត្តិការ​ក្នុង​ផ្នែក​កែច្នៃ​កសិផល​ ​កែច្នៃ​អាហារ​គីមី​ឥ​ន្ធនៈ ​និង​ផលិតកម្ម​ ​ferrous​ ​down​-​stream​ ​production​ ​គឺជា​អ្វី​ដែល​ចាំបាច់​ត្រូវតែ​ស្រាវជ្រាវ​ ​សិក្សា​ ​ដើម្បី​ស្វែងរក​ដំណោះស្រាយ​។

លោក​បាន​ចង្អុលបង្ហាញ​ថា​ “​ប្រសិនបើ​បញ្ហា​សំខាន់​ៗ​ទាំងនេះ​ត្រូវ​បាន​ដោះស្រាយ​ដោយ​ជោគជ័យ​នោះ​ ​គ្មានអ្វី​ដែល​អាច​បញ្ឈប់​នៃ​កំណើន​ដ៏​ខ្លាំងក្លា​ក្នុង​វិ​ស័យ​ពាណិជ្ជកម្ម​រវាង​កម្ពុជា​-​ចិន​ ​និង​ជាពិសេស​ជាមួយ​ខេត្ត​ក្វា​ង​ស៊ី​”​។​

​ដោយ​លើកឡើង​ថា​ខេត្ត​ក្វា​ង​ស៊ី​ ​និង​អា​ស៊ាន​ត្រូវ​បាន​តភ្ជាប់​ដោយ​ភ្នំ​ ​និង​ទន្លេ​ ​ព្រមទាំង​កំពង់ផែ​ផ្លូវគោក​ ​និង​សមុទ្រ​ ​ហើយ​ទី​ផ្សារ​អា​ស៊ាន​គឺជា​ទីតាំង​ដ៏​សំខាន់​មួយ​នៅ​ក្នុង​ពាណិជ្ជកម្ម​ក្រៅ​ប្រទេស​របស់​ខេត្ត​ក្វា​ង​ស៊ី​លោក​បាន​ជំរុញ​ឱ្យ​កម្ពុជា​បន្ត​ចូលរួម​យ៉ាងសកម្ម​នៅ​ក្នុង​ពិព័រណ៍​ចិន​-​អា​ស៊ាន​ (​CA​EX​P​O) ​ដោយសារ​វេទិកា​នេះ​បាន​ផ្តល់​ឱកាស​ដើម្បី​ជួប​ជាមួយ​ក្រុមហ៊ុន​ធំ​ៗ​មិន​ត្រឹមតែ​មកពី​បណ្តា​ប្រទេស​អា​ស៊ាន​ ​និង​តំបន់​ប៉ុណ្ណោះ​ទេ​ ​ប៉ុន្តែ​ពី​តំបន់​មជ្ឈិមបូព៌ា​ ​ជប៉ុន​ ​ឥណ្ឌា​ ​និង​ប្រទេស​ដ៏​ទៃ​ទៀត​។​

​លោក​បាន​បន្ថែម​ថា​ ​ពិព័រណ៍​នេះ​នឹងជា​ឱកាស​ដ៏​ល្អ​មួយ​ក្នុង​ការ​ផ្សព្វផ្សាយ​ផល​កម្ពុជា​ទៅកាន់​ទី​ផ្សារ​របស់​ប្រទេស​ចិន​ ​និង​សមាគម​អា​ស៊ាន​ ​ហើយ​វាក៏ជា​ឱកាស​ដ៏​ល្អ​ក្នុង​ការ​ទាក់ទាញ​អ្នក​វិនិយោគ​កាន់តែ​ច្រើន​ពី​ប្រទេស​ចិន​ ​និង​អា​ស៊ាន​មក​កម្ពុជា​។

​ពិព័រណ៍​នេះ​គឺជា​ព្រឹត្តិការណ៍​ពាណិជ្ជកម្ម​ប្រចាំ​ឆ្នាំ​ដ៏​ធំបំផុត​រវាង​ចិន​ ​និង​អា​ស៊ាន​ ​ដោយ​បាន​ទាក់ទាញ​អ្នក​តាំង​ពិព័រណ៍​ ​និង​អ្នកទស្សនា​កាន់តែ​ច្រើនឡើង​ជា​រៀងរាល់​ឆ្នាំ​។​

​លើកឡើង​បន្ថែម​លើ​គម្រោង​សួន​ឧស្សាហកម្ម​កម្ពុជា​-​ចិន​ ​ក្នុង​តំបន់​ស្វយ័ត​ក្វា​ង​ស៊ី​ ​លោក​បាន​និយាយ​ថា​ “​នេះ​គឺជា​ការ​វិនិយោគ​ដំបូង​នៅ​ក្នុង​ខេត្ត​ក្វា​ង​ស៊ី​ដោយក្រុម​ក្រុមហ៊ុន​កម្ពុជាក្រោម​ការ​​​ដឹកនាំ​របស់​​​ក្រសួង​កសិកម្ម​ ​រុក្ខា​ប្រមាញ់​ ​និង​នេសាទ​ ​ជាមួយ​ ​អង្គភាព​ដែល​មាន​មូលដ្ឋាន​នៅ​ក្វា​ង​ស៊ី​។​

“​សួន​ឧស្សាហកម្ម​នេះ​មាន​អត្ថប្រយោជន៍​ច្រើន​ ​ដោយសារ​មាន​ការសាកសួរ​ជាច្រើន​ក្នុង​ការ​បង្កើត​រោង​ច្រក​នៅ​ទីនេះ​ ​ទោះបីជា​ឧទ្យាន​នេះ​មិនទាន់​បញ្ចប់​ការ​សាងសង់​ទាំងស្រុង​រហូតដល់​ដើម​ឆ្នាំ​២​០​២​៤​ ​ក៏ដោយ​។​ ​វា​បង្ហាញ​ពី​អត្ថប្រយោជន៍​ ​ទីតាំង​ភូមិសាស្ត្រ​នៃ​ប្រទេស​កម្ពុជា​ ​និង​ខេត្ត​ក្វា​ង​ស៊ីក្នុង​ប្រទេស​ចិន​ ​និង​របៀប​ដែល​ភាគី​ទាំងពីរ​អាច​ទាញ​យក​ឱកាស​ ​និង​សហការ​យ៉ាង​ជិតស្និទ្ធ​ជាមួយគ្នា​។​

​ច្រក​របៀង​ពាណិជ្ជកម្ម​ដី​-​សមុទ្រ​អន្តរជាតិ​ថ្មី​ ​គឺជា​ព្រែកជីក​ដែល​ត្រូវ​បាន​សាងសង់​រួមគ្នា​ដោយ​តំបន់​ថ្នាក់​ខេត្ត​នៅ​ភាគ​ខាងលិច​ប្រទេស​ចិន​ ​និង​សមាជិក​អា​ស៊ាន​។​