យោងតាមរបាយការណ៍របស់អង្គការពាណិជ្ជកម្មខាងក្រៅរបស់ប្រទេសជប៉ុន (JETRO) ទំហំពាណិជ្ជកម្មទ្វេភាគីកម្ពុជា-ជប៉ុន ក្នុងរយៈពេល ៧ ខែ ឆ្នាំ២០២៣នេះ សម្រេចបានជាង ១ ពាន់លានដុល្លារ ។
របាយការណ៍បានបន្តថា ចាប់ពីខែមករា ដល់ខែកក្កដាឆ្នាំនេះ កម្ពុជាក៏បាននាំចូលទំនិញដែលមានតម្លៃ ២៩៦ លានដុល្លារពីប្រទេសជប៉ុន ពោលគឺមានការថយចុះ ១,២ ភាគរយ បើធៀបនឹងរយៈពេលដូចគ្នាកាលពីឆ្នាំមុន។
ការនាំចេញសំខាន់ៗទៅកាន់ប្រទេសជប៉ុនមានដូចជា សម្លៀកបំពាក់ កាបូប ស្បែកជើង គ្រឿងសង្ហារឹម គ្រឿងសម្អាង ក្រដាស និងសម្ភារៈការិយាល័យ និងទំនិញស្បែក។
កម្ពុជាបាននាំចូលគ្រឿងចក្រ រថយន្ត គ្រឿង
អេឡិចត្រូនិច គ្រឿងសង្ហារឹម ក្រណាត់ និងប្លាស្ទិកពីប្រទេសជប៉ុនមកវិញ។
កម្ពុជាតែងតែចាត់ទុកប្រទេសជប៉ុនជាដៃគូពាណិជ្ជកម្មអាទិភាព ហើយថ្មីៗនេះបានចាប់ផ្តើមការពិភាក្សាស្តីពីកិច្ចព្រមព្រៀងពាណិជ្ជកម្មសេរីទ្វេភាគី (FTA)។
កម្ពុជា និង ជប៉ុន បានបង្កើតដៃគូរយុទ្ឋសាស្រ្តគ្រប់ជ្រុងជ្រោយដែលត្រូវបានគេរំពឹងទុកថា នឹងទាក់ទាញវិនិយោគិនជប៉ុន ហើយបើកទីផ្សារទូលានសម្រាប់ផលិតលកម្ពុជា។
លោក លឹម ហេង អនុប្រធានសភាពាណិជ្ជកម្មកម្ពុជាមានប្រសាសន៍ធ្លាប់មានប្រសាសន៍ថា ការបង្កើតកិច្ចព្រមព្រៀងពាណិជ្ជកម្មសេរីជាមួយដៃគូពាណិជ្ជកម្មនឹងជួយដល់ផលិតផលកម្ពុជាទៅកាន់ទីផ្សារបរទេស ក្នុងការចូលរួមចំណែកអភិវឌ្ឍន៍សេដ្ឋកិច្ចជាតិ បង្កើនចំណូល និង បង្កើនការងារសម្រាប់ប្រជាពលរដ្ឋ។
យោងតាមរបាយការណ៍របស់អង្គការ JETRO កាលពីឆ្នាំមុន ពាណិជ្ជកម្មទ្វេភាគីរវាងកម្ពុជា និងជប៉ុនមានតម្លៃ ២,៤៥ពាន់លានដុល្លារ ។ កម្ពុជាបាននាំចេញផលិតផលដែលមានតម្លៃ ១,៩៣ ពាន់លានដុល្លារទៅប្រទេសជប៉ុនកាលពីឆ្នាំមុនពោលគឺកើនឡើង ១០,៥ ភាគរយធៀបនឹងឆ្នាំមុន។ ការនាំចូលពីប្រទេសជប៉ុនមានតម្លៃ ៥១៥ លានដុល្លារ ធ្លាក់ចុះ ១១,២ ភាគរយធៀបនឹងឆ្នាំមុនផងដែរ។
ប្រែសម្រួលដោយ៖ សុ ជាតា