នៅព្រឹកនេះ ឯកឧត្តមបណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជា បានអំពាវនាវឱ្យគ្រឹះស្ថានហិរញ្ញវត្ថុ រៀបចំរចនាសម្ព័ន្ធឥណទានឡើងវិញសម្រាប់ប្រតិបត្តិករទេសចរក្នុងខេត្តសៀមរាប ក្នុងអត្រាការប្រាក់សមរម្យ ដើម្បីជួយស្តារវិស័យទេសចរណ៍បន្ទាប់ពីរងផលប៉ះពាល់យ៉ាងធ្ងន់ធ្ងរដោយជំងឺកូវីដ-១៩។
ថ្លែងក្នុងឱកាសជួបសំណេះសំណាលជាមួយវិស័យឯកជន ក្នុងវេទិកា រាជរដ្ឋាភិបាល-ផ្នែកឯកជន លើកទី១៩ កាលពីថ្ងៃច័ន្ទ ឯកឧត្តមបណ្ឌិត ហ៊ុន ម៉ាណែត បានអនុញ្ញាតដល់គ្រឹះស្ថានធនាគារ និងហិរញ្ញវត្ថុទាំងអស់ រៀបចំរចនាសម្ព័ន្ធឥណទានឡើងវិញសម្រាប់អតិថិជនរបស់ខ្លួនក្នុងវិស័យទេសចរណ៍ក្នុងខេត្តសៀមរាប ដែលជួបប្រទះការលំបាកផ្នែកហិរញ្ញវត្ថុបណ្តោះអាសន្ន ដោយមិនចាំបាច់ធ្វើសមវិធានធន់រយៈពេល១២ខែ។
នាយករដ្ឋមន្ត្រីបានគូសបញ្ជាក់ថា ការស្តារឡើងវិញនៃវិស័យទេសចរណ៍គួរតែចាប់ផ្តើមពីខេត្តសៀមរាប ដែលជាទឹកដីនៃប្រាសាទអង្គរដ៏ល្បីល្បាញ។ ទន្ទឹមនឹងនេះ ឯកឧត្តមបណ្ឌិតបានមានប្រសាសន៍ថា ធនគារសហគ្រាសធនតូច និងមធ្យមកម្ពុជា នឹងរៀបចំជាកម្មវិធីផ្តល់កម្ចី ដោយផ្ទាល់ ជាមួយនឹងទឹកប្រាក់បឋមចំនួន ៥០លានដុល្លារសហរដ្ឋអាមេរិក ដល់ប្រតិបត្តិករទេសចរក្នុងខេត្តសៀមរាប ជាមួយនឹងអត្រាការប្រាក់សមរម្យ រួមជាមួយនិងលក្ខណៈអនុគ្រោះផ្សេងទៀត។
AKP