រាជរដ្ឋាភិបាលកម្ពុជាបានបណ្តុះបណ្តាលធនធានមនុស្សជាង ២៧ម៉ឺននាក់ នូវជំនាញផ្លូវការចាំបាច់សម្រាប់ទីផ្សារការងារចាប់ពីឆ្នាំ ២០១៨ ដល់ឆ្នាំ ២០២២។
តួលេខនេះត្រូវបានលើកឡើងនៅក្នុងរបាយការណ៍ដែលចេញផ្សាយកាលពីពេលថ្មីៗនេះដោយក្រសួងការងារ និងបណ្តុះបណ្តាលវិជ្ជាជីវៈ។
សម្រាប់ឆ្នាំ២០២២ ប្រជាពលរដ្ឋប្រមាណ ៧៣,៦៧២ នាក់បានបញ្ចប់ការអប់រំ និងទទួលបានការបណ្តុះបណ្តាលបច្ចេកទេស និងវិជ្ជាជីវៈ ហើយក្នុងនោះមាន ១៩,៩៤៩ នាក់ជាស្ត្រី។
ហើយប្រមាណ ១៦,៧១៩ នាក់ផ្សេងទៀតបានបញ្ចប់ការសិក្សាកម្រិតទី ១ ទី ២ និងទី៣ នៃការបណ្តុះបណ្តាលបច្ចេកទេស និងវិជ្ជាជីវៈក្នុងឆ្នាំដដែល។
ក្នុងអំឡុងឆ្នាំដដែល យុវជនប្រមាណ ១២,២៦៩ នាក់ផ្សេងទៀតបានបញ្ចប់ការសិក្សានៅសាកលវិទ្យាល័យ និងថ្នាក់បរិញ្ញាបត្ររងផ្នែកបច្ចេកទេស។
ក្នុងអាណត្តិទី៧ រាជរដ្ឋាភិបាលបានកំណត់គោលក្នុងការផ្តល់ការបណ្តុះបណ្តាលដល់យុវជនចំនួន ១,៥លាននាក់មកពីគ្រួសារក្រីក្រ និងងាយរងគ្រោះ។ AKP-Lim Nary