មន្រ្តីជាន់ខ្ពស់ធនាគារជាតិនៃកម្ពុជា ( NBC ) បានថ្លែងឲ្យដឹងថា ធនាគារជាតិបានរៀបចំសេចក្តីព្រាងប្រកាសស្តីពី ស្តង់ដារ ឬ យន្តការឆ្លើយតបបណ្តឹងអតិថិនជនសម្រាប់ធនាគារទាំងអស់ ការទូទាត់ និង ស្ថាប័នហិរញ្ញវត្ថុនៅក្នុងប្រទេសដើម្បីអនុវត្តតាមគោលការណ៍ណែនាំរបស់ NBC បន្ទាប់ពីអ្នកប្រើប្រាស់បានសម្តែងការមិនពេញចិត្តចំពោះយន្តការដែលមានស្រាប់។
មន្ត្រីរូបនេះបានធ្វើការកត់សម្គាល់ទាំងនេះក្នុងអំឡុងពេលសន្និសិទសារព័ត៌មានកាលពីថ្ងៃអាទិត្យសប្តាហ៍មុននៅសារមន្ទីរសេដ្ឋកិច្ច និងហិរញ្ញវត្ថុកម្ពុជា SOSORO ក្នុងខណ្ឌដូនពេញ រាជធានីភ្នំពេញ ដែលមានអ្នកចូលរួមជាង ៥០ នាក់ រួមទាំងមន្ត្រីធនាគារកណ្តាល និងអ្នកសារព័ត៌មានផងដែរ។
ទេសាភិបាលរងធនាគារជាតិនៃកម្ពុជា លោកស្រី ជា សិរីមានប្រសាសន៍ថា សេចក្តីព្រាងប្រកាសនឹងបង្កើតឡើងនូវក្បួនច្បាប់ស្តង់ដារ ដូចជា នីតិវិធី ពេលវេលា និងវិសាលភាពនៃបណ្តឹងដែលបានរាយការណ៍ ឬដាក់ជូនដោយអ្នកប្រើប្រាស់សេវាធនាគារ និងហិរញ្ញវត្ថុ ដើម្បីជៀសវាងពីវិធីសាស្រ្តីការឆ្លើយតប ខណៈដែលឧស្សាហកម្មធនាគារត្រូវបានអភិវឌ្ឍន៍លឿនពេក។
លោកស្រីមានប្រសាសន៍ថា៖ « សកម្មភាពសំខាន់ដែលថាពួកយើងទទួលបានពីសាធារណៈជន ពិសេសតាមរយៈប្រព័ន្ឋសង្គមគឺថា ពួកគេមិនសប្បាយចិត្ត ។ ឧបមាថា ការឆ្លើយតបយឺតៗដោយស្ថាប័នមួយចំនួនចំពោះពាក្យបណ្តឹងរបស់ពួកគេ ដូច្នេះហើយពួកយើងកំពុងរៀបចំសេចក្តីព្រាងប្រកាសថា តម្រូវឲ្យគ្រប់ស្ថាប័នទាំងអស់នៅក្នុងប្រទេសយើងធ្វើការអនុវត្តតាមយន្តការដូចគ្នា»។
លោកស្រីមានប្រសាសន៍ថា អ្នកប្រើប្រាស់ជាទូទៅដាក់ពាក្យបណ្តឹងនៅពេលដែលមានកំហុសដោយអចេតនាកើតឡើងដោយសារកត្តាជាច្រើនដូចជាបញ្ហាបច្ចេកទេសដែលកើតឡើងពីស្ថាប័នផ្ញើ ឬទទួល ឬអ្នកប្រើប្រាស់ខ្លួនឯង។ លោកស្រីថា៖ « វាមានន័យថា គ្មាននរណាម្នាក់អស្ចារ្យនោះទេ សូម្បីប្រព័ន្ឋបច្ចេកវិទ្យា»។
លោកស្រី បានបន្តទៀតថាធនាគារ NBC កំពុងស្ថិតក្នុងដំណើរការបង្កើតយន្តការឆ្លើយតបពាក្យបណ្តឹងរបស់អ្នកប្រើប្រាស់ស្តង់ដារទូទៅ ដើម្បីឆ្លើយតបទៅនឹងបញ្ហាដែលមានស្រាប់ទាំងនេះ សូម្បីតែប្រព័ន្ឋទូទាត់អេឡិកត្រូនិកកម្ពុជាក្នុងចំណោមនោះគឺលឿនបំផុងនៅក្នុងពិភពលោក។
កាលពីថ្ងៃច័ន្ទសប្តាហ៍មុន ធនាគារជាតិនៃកម្ពុជា បានចុះហត្ថលេខាលើអនុស្សរណៈនៃការយោគយល់គ្នាជាមួយ ក្រុមហ៊ុន UnionPay International ដើម្បីលើកកម្ពស់ដល់ប្រតិបត្តិការទូទាត់ឆ្លងប្រទេសរវាង KHQR នៃប្រព័ន្ធបាគង ដែលបង្កើតឡើងដោយធនាគារជាតិនៅក្នុងប្រទេសចិន។
អនុស្សរណៈយោគយល់គ្នានេះត្រូវបានចុះហត្ថលេខាដោយលោក គីមទី កោមលី អគ្គនាយកបច្ចេកទេស ធនាគារជាតិនៃកម្ពុជា និងអនុប្រធាន UPI លោក Larry Wang នៅចំពោះមុខលោកស្រី ជា សេរី ទេសាភិបាលរងធនាគារជាតិនៃកម្ពុជា នៅទីស្នាក់ការកណ្តាលរបស់ធនាគារកណ្តាល ដែលមានទីតាំងនៅខណ្ឌសែនសុខ រាជធានីភ្នំពេញ និងមន្រ្តីពាក់ព័ន្ធដទៃទៀត។
លោកស្រី សិរីមានប្រសាសន៍បន្ថែមថា NBC នឹងតម្រូវឲ្យធនាគារ និងស្ថាប័នហិរញ្ញវត្ថុមានដូចជាប្រព័ន្ឋបាគង ដើម្បីអនុលោមតាមយន្តការឆ្លើយតបពាក្យបណ្តឹងរបស់អ្នកប្រើប្រាស់ស្តង់ដារ ប្រើសិនបើបញ្ហាទាំងនោះត្រូវបានរកឃើញថាកើនឡើងនៅក្នុងប្រទេសកម្ពុជា។
លោកស្រីមានប្រសាសន៍ថា៖ « ពួកយើងសង្ឃឹមថា យន្តការឆ្លើយតបបណ្តឹងរបស់អតិថជនស្តង់ដារថ្មីមួយនឹងត្រូវធ្វើឡើងក្នុងពេលឆាប់ៗនេះ »។ លោកស្រីថា កម្ពុជានិងធនាគារកណ្តាលរបស់ប្រទេសចិនបានត្រៀមខ្លួនក្នុងចុះហត្ថលេខា និងកិច្ចព្រមព្រៀងMoU ផ្សេងទៀតសម្រាប់រយៈពេលយូរ ដែលអាចឲ្យស្ថាប័នក្នុងការចែករំលែកព័ត៌មាន»។ «យើងមិនចាំបាច់ចុះហត្ថលេខាលើកិច្ចព្រមព្រៀងបន្ថែមលើការទូទាត់នោះទេ»។
លោកស្រីមានប្រសាសន៍បន្ថែមថា ធនាគារជាតិបានចាត់តាំងធនាគារ អេស៊ីលីដា ភីអិលស៊ី ធនាគារពាណិជ្ជកម្មបរទេស (FTB) និងធនាគារពាណិជ្ជកម្ពុជា (CCB) ដែលជាសាខារបស់ធនាគារថៃពាណិជ្ជ (SCB) របស់ប្រទេសថៃ ក្រោមបទប្បញ្ញត្តិ និងការត្រួតពិនិត្យរបស់ខ្លួន ដើម្បីធ្វើការជាមួយធនគារ SCB ដែលស្ថិតនៅក្រោមបទប្បញ្ញត្តិ និងការត្រួតពិនិត្យរបស់ធនាគាររបស់ប្រទេសថៃ (BOT) ក្នុងការអភិវឌ្ឍន៍ការទូទាត់ឆ្លងដែនផងដែរ។
លោកស្រីសីរី មានប្រសាសន៍បន្ថែមថា NBC ចុះហត្ថលេខា MoU មួយផ្សេងទៀតជាមួយ ធនាគារ
(BOT) ក្នុងការចូលរួមគាំទ្រដំណើរនៃការអភិវឌ្ឍការទូទាត់ឆ្លងដែនរវាងកម្ពុជា និង ថៃ ។
លោកស្រីមានប្រសាសន៍ថា៖ « បទពិសោធន៍នេះបង្ហាញយើងថា មានមែនត្រឹមតែប្រជាពលរដ្ឋដែលប្រើប្រាស់Mobile apps នៃធនាគារទាំងបីនេះនឹងអាចធ្វើការទូទាត់ប្រាក់ឆ្លងដែននៅក្នុងប្រទេសថៃ ។ យន្តការនេះគឺយឺត ពួកយើងបានព្យាយាមឲ្យអ្នកប្រើប្រាស់ KHQR ទាំងអស់អាចធ្វើការទូទាត់ឆ្លងដែនបាន»៕
ប្រែសម្រួលដោយ៖ សុ ជាតា