ពីគ្រោះរាំងស្ងួតរហូតដល់ទឹកជំនន់ កសិករកម្ពុជាតែងត្រូវប្រឈមជាមួយគ្រោះថ្នាក់ធម្មជាតិអស់ជាច្រើនសតវត្សមកហើយ។ ប៉ុន្តែបច្ចុប្បន្ននេះ ជាមួយនឹងទំនើបកម្ម និងកិច្ចខិតខំប្រឹងប្រែងរបស់រដ្ឋាភិបាល កសិករដាំស្រូវត្រូវបានការពារបានប្រសើរជាងមុនពីលក្ខខណ្ឌអាកាសធាតុអាក្រក់ ដូចជាទឹកជំនន់នៃទន្លេមេគង្គក្នុងរដូវវស្សា។
បន្ទាប់ពីបានដំណើរការអស់រយៈពេល៣ ឆ្នាំ បច្ចុប្បន្នកម្មវិធីធានារ៉ាប់រងដំណាំកសិកម្មរបស់រដ្ឋាភិបាលកម្ពុជា (WICI)មានកសិករជាង ៥៤.៨០០ នាក់បានចុះឈ្មោះ។ កម្មវិធីនេះត្រូវបានត្រួសត្រាយដោយក្រសួងសេដ្ឋកិច្ច និងហិរញ្ញវត្ថុ ដោយមានជំនួយពីដៃគូអភិវឌ្ឍន៍ ក្រោមកម្មវិធីអភិវឌ្ឍន៍វិស័យស្រូវ (SDP) និងក្រុមហ៊ុនធានារ៉ាប់រង Forte ដើម្បីផ្តល់ការការពារផ្នែកហិរញ្ញវត្ថុសម្រាប់ប្រជាជនដែលងាយរងគ្រោះបំផុត។
កម្មវិធីធានារ៉ាប់រងដំណាំត្រូវបានចាប់ផ្តើមសាកល្បងជាលើកដំបូងនៅក្នុងឆ្នាំ២០១៥ដោយក្រុមហ៊ុន Forte ហើយបានដាក់អោយប្រើប្រាស់នៅក្នុងប្រទេសកម្ពុជាអស់រយៈពេល ២៥ ឆ្នាំចុងក្រោយនេះ។ ការសិក្សាស្រាវជ្រាវរបស់ក្រុមហ៊ុន Forte បានបង្ហាញថា ប្រជាជនពេញវ័យកម្ពុជាចំនួន ៤៤ ភាគរយជាកសិករ។ ក្នុងចំណោមនោះ កសិករប្រហែល៨០ភាគរយបានប្រកបរបរដាំដុះស្រូវ និងបានដាំពោត ដំឡូងមី ដំឡូងជ្វា និងសណ្តែកសៀង ជាដំណាំបន្ទាប់បន្សំ។
បើនិយាយពីផ្ទៃដីដាំដុះសរុបក្នុងប្រទេសកម្ពុជា មានប្រហែល៨២ ភាគរយដែលអាចបង្កបង្កើនផល ហើយដីទំហំ៣,៣ លានហិកតាត្រូវបានប្រើប្រាស់ក្នុងរដូវវស្សា (ឧសភា-កញ្ញា) សម្រាប់ធ្វើស្រែ។
លោកបានបន្តថា៖ «ប៉ុន្តែ កសិករទាំងនេះកំពុងទទួលរងផលប៉ះពាល់កាន់តែខ្លាំងឡើងដោយលក្ខខណ្ឌអាកាសអាក្រក់ដូចជា គ្រោះរាំងស្ងួត និងភ្លៀងធ្លាក់ខ្លាំង។ នៅពេលដែលបញ្ហានេះកើតឡើង វាប៉ះពាល់ដល់ការប្រមូលផលស្រូវ។ លោក ស៊ុយ ចាន់ថារ៉ុង នាយកប្រតិបត្តិក្រុមហ៊ុន Forte បាននិយាយថា កសិករខាតបង់យ៉ាងច្រើន ហើយបន្ទាប់មកប្រឈមនឹងភាពក្រីក្រ។ លោកបានបន្ថែមថា៖ «នេះបង្អាក់កសិករមិនឲ្យបន្តធ្វើកសិកម្ម ហើយពួកគេងាកទៅធ្វើជាកម្មករចំណាកស្រុក»។
លោក នី លីហួង ប្រធាននាយកផ្នែកធានារ៉ាប់រងខ្នាតតូច និង កសិកម្ម នៃក្រុមហ៊ុនធានារ៉ាប់រងForteបានអោយដឹងថាប៉ុន្តែសព្វថ្ងៃនេះ ក្រោមគម្រោងធានារ៉ាប់រងដំណាំស្រូវ កសិករទទួលបានសំណងនៅពេលអាកាសធាតុអាក្រក់បានធ្វើអោយប៉ះពាល់ដល់ពួកគេ។ “យើងបានបង់សំណងដល់កសិករចំនួន ៩.៧០២ នាក់” ជាអតិបរមាប្រមាណ១០០ ដុល្លារក្នុងមួយហិកតា។
ដោយសារប្រទេសកម្ពុជាមានកសិករតូចតាចជាច្រើនមានដីចន្លោះពី ០,៥-២ ហិកតា គម្រោងនេះបង្ហាញថាមានអត្ថប្រយោជន៍យ៉ាងច្រើនសម្រាប់ពួកគេ។ គម្រោងនេះក៏ត្រូវបានឧបត្ថម្ភធន១០០ភាគរយផងដែរ ដើម្បីលើកទឹកចិត្តកសិករឱ្យចុះឈ្មោះ។ ក្នុងចំណោមប្រាក់បុព្វលាភរ៉ាប់រងចំនួន១០ដុល្លារដែលត្រូវបានបង់សម្រាប់កសិករម្នាក់ៗក្រោមគម្រោងធានារ៉ាប់រង មាន៥ដុល្លារត្រូវបានបង់ដោយក្រសួងសេដ្ឋកិច្ច និងហិរញ្ញវត្ថុ និងដៃគូអភិវឌ្ឍន៍ក្រោមកម្មវិធីអភិវឌ្ឍន៍វិស័យស្រូវ និង៥ ដុល្លារដោយក្រុមហ៊ុនForte ។ ដែលនេះជាការរៀបចំចែករំលែកប្រាក់ឧបត្ថម្ភ ៥០-៥០ រវាងរដ្ឋាភិបាល និងក្រុមហ៊ុន Forte ។
ការិយាល័យគ្រប់គ្រងគម្រោងរបស់ក្រសួងសេដ្ឋកិច្ច និងហិរញ្ញវត្ថុបាននិយាយថា នាពេលបច្ចុប្បន្ន គម្រោងនេះផ្តល់ការធានារ៉ាប់រងលើផ្ទៃដីចំនួន១២០.០០០ ហិកតា នឹងធានាបាននូវ “កសិកម្មដែលធន់នឹងអាកាសធាតុ”។
PMO បាននិយាយថា “យើងកំពុងធ្វើការលើគម្រោងWICI ក្នុងភាពជាដៃគូរវាងរដ្ឋ និងឯកជនដើម្បីដោះស្រាយបញ្ហាប្រឈមជាមួយការធ្វើពាណិជ្ជកម្មស្រូវ គាំទ្រផែនការប្រើប្រាស់ដី និងបង្កើនឱកាសសេដ្ឋកិច្ច និងធ្វើអោយជីវភាពរស់នៅកាន់តែប្រសើរឡើង” ។
បច្ចុប្បន្ន គម្រោងនេះបានធានារ៉ាប់រងកសិករមកពី៣៤០ភូមិ ក្នុង១០ស្រុក នៃខេត្តព្រៃវែង បាត់ដំបង និងកំពង់ធំ។
ក្រសួងសេដ្ឋកិច្ច និងហិរញ្ញវត្ថុ មានបំណងពង្រីកគម្រោងនេះទៅគ្រប់ខេត្តទាំងអស់ក្នុងប្រទេសក្នុងរយៈពេលប៉ុន្មានឆ្នាំខាងមុខ។
គម្រោងនេះក៏ផ្អែកលើបច្ចេកវិទ្យាជឿនលឿនខ្ពស់ផងដែរខណៈដែលទិន្នន័យផ្កាយរណប និងរបាយការណ៍អាកាសធាតុដីត្រូវបានវិភាគ – ធានានូវការទូទាត់ដោយស្វ័យប្រវត្តិដល់កសិករ។
ដូច្នេះយើងតាមដានទិន្នន័យអាកាសធាតុពីស្ថានីយអាកាសធាតុទាំង២៣របស់ក្រសួងធនធានទឹកនិងឧតុនិយម។
នៅពេលដែលទិន្នន័យខ្លះមិនមាន យើងទាញយកទិន្នន័យផ្កាយរណបពីដៃគូរបស់យើង CHIRPS សម្រាប់ភូមិគោលដៅចំនួន៣៤០ របស់យើង។ នៅពេលដែលយើងដឹងថាមានព្រឹត្តិការណ៍អាកាសធាតុមិនល្អ យើងទូទាត់ប្រាក់ដោយស្វ័យប្រវត្តិទៅក្នុងគណនីធនាគារ ឬកាបូបអេឡិចត្រូនិករបស់ពួកគេ»។ “កសិករមិនចាំបាច់មករកយើងដោយផ្ទាល់នោះទេ យើងទំនាក់ទំនងទៅមេភូមិនិងផ្ញើសារ SMS ទៅកាន់អ្នកភូមិទាំងអស់ដែលបានចុះឈ្មោះក្នុងគម្រោងនេះ»។
គម្រោងនេះក៏បានជួយបង្កើតការយល់ដឹងផ្នែកហិរញ្ញវត្ថុដោយបានរៀបចំសិក្ខាសាលាផងដែរ។ រហូតមកដល់ពេលនេះ គម្រោងបានផ្តល់ការបណ្តុះបណ្តាលដល់កសិកររាប់ពាន់នាក់ ក្នុងនោះមានកសិករស្រីចំនួន ៧.៧៥៦នាក់។
លោកយុគ ចំរើនរិទ្ធិនាយកប្រតិបត្តិក្រុមហ៊ុន Forte Groupបាននិយាយថា ខ្លួនបានធ្វើការស្រាវជ្រាវជាច្រើន មុនពេលគម្រោងនេះចាប់ផ្តើម។ “យើងបានចុះទៅប្រទេសឥណ្ឌា ដើម្បីមើលពីរបៀបដែលក្រុមហ៊ុនធានារ៉ាប់រង និងរដ្ឋាភិបាលឥណ្ឌាកំពុងអនុវត្តការធានារ៉ាប់រងដំណាំរនៅក្នុងប្រទេសគេ។ បច្ចុប្បន្នប្រទេសឥណ្ឌាមានគម្រោងធានារ៉ាប់រងដំណាំធំជាងគេបំផុតរបស់ពិភពលោកដែលមានឈ្មោះថា Pradhan Mantri FasalBima Yojana (PMFBY) ដែលទទួលបានការដាក់ពាក្យពីកសិករចំនួន ៥៥លាននាក់ជារៀងរាល់ឆ្នាំ។ វាក៏ជាគម្រោងធានារ៉ាប់រងដំណាំធំជាងគេទី៣នៅទូទាំងពិភពលោកផងដែរបើនិយាយពីបុព្វលាភដែលទទួលបាន។