អ្នកជំនាញមកពីសមាគមអ្នកស្រាវជ្រាវការវិវត្តន៍កម្ពុជាចិនបាននិយាយថា ការវិនិយោគរបស់ចិនក្នុងវិស័យកសិកម្មរបស់ព្រះរាជាណាចក្រកម្ពុជាបានជំរុញសេដ្ឋកិច្ចជាតិ និងបង្កើតការងារជូនប្រជាជនក្នុងស្រុក
លោក គង់ សេរីរ័ត្ន អ្នកជំនាញផ្នែកទំនាក់ទំនងសង្គមចិន-កម្ពុជា មានប្រសាសន៍ថា ការវិនិយោគពីប្រទេសចិនដីគោកបានបង្កើតការងារសម្រាប់ប្រជាជនរាប់សែននាក់នៅកម្រិតមូលដ្ឋាន ក៏ដូចជាកាត់បន្ថយការធ្វើចំណាកស្រុកទៅកាន់ប្រទេសដទៃទៀត។
ថ្មីៗនេះ រដ្ឋាភិបាលចិនបានបន្ថែមថវិកាដល់វិស័យ
កសិកម្មក្នុងគោលបំណងនាំចេញដំណាំទៅទីក្រុងមួយចំនួនរបស់ចិន។ លោកបានបន្ថែមថា ការវិនិយោគនេះនឹងជំរុញសមត្ថភាព និងសក្តានុភាពរបស់កម្ពុជាក្នុងការប្រកួតប្រជែងជាមួយប្រទេសផ្សេងទៀត។
កាលពីខែមុន ក្រុមហ៊ុនដ៏ធំមួយរបស់ចិនគឺ Danong Agricultural Development Group បានបង្ហាញការចាប់អារម្មណ៍ក្នុងការវិនិយោគថវិកា ១២,៧ ពាន់លានដុល្លារទៅលើវិស័យកសិឧស្សាហកម្មចំនួន ៧៥ ដែលគ្របដណ្តប់លើផ្ទៃដីជាង ១ ម៉ឺនហិកតាក្នុងខេត្តបាត់ដំបង ពោធិ៍សាត់ សៀមរាប និងកំពង់ធំ។
ថ្លែងប្រាប់កាសែតខ្មែរថាមស៍ លោក តាន់ ឃីម៉េង ដៃគូគ្រប់គ្រងក្រុមហ៊ុន Baker Tilly (Cambodia) Co., Ltd. និងជាអ្នកជំនាញក្នុងការវិនិយោគធុរកិច្ចបានមានប្រសាសន៍ថា “ប្រទេសចិនគឺជាមជ្ឈមណ្ឌលផលិតកម្មរបស់ពិភពលោក ហើយគោលនយោបាយរបស់ពួកគេក្នុងរយៈពេលបីទសវត្សរ៍ចុងក្រោយនេះ បានអភិវឌ្ឍដោយជោគជ័យ។ ជាប្រទេសដែលមានសេដ្ឋកិច្ចធំជាងគេទីពីររបស់ពិភពលោក។ ការរីកចម្រើនបានរីករាលដាលនៅក្នុងខេត្ត-ក្រុងភាគច្រើន ដោយបានពង្រីកកំណើនសេដ្ឋកិច្ចពីទីក្រុងធំៗទៅកាន់ប្រទេសផ្សេងៗ រួមទាំងប្រទេសកម្ពុជាផងដែរ។
លោកបានបន្តទៀតថា ទីក្រុងនីមួយៗក្នុងប្រទេសចិនមានភាពរឹងមាំខុសៗគ្នាក្នុងឧស្សាហកម្មចម្រុះ ហើយកម្ពុជាអាចប្រើប្រាស់កត្តាជោគជ័យរបស់ខ្លួនក្នុងការនាំយកឧស្សាហកម្ម និងពាណិជ្ជកម្មពីទីក្រុងផ្សេងៗគ្នា ដែលនឹងជំរុញដំណើរឆ្ពោះទៅរកការអភិវឌ្ឍសេដ្ឋកិច្ចរបស់កម្ពុជានៅតាមទីក្រុងធំៗដូចជា ក៏ដូចជាតំបន់ដែលមានការអភិវឌ្ឍន៍តិច និងតំបន់ដាច់ស្រយាលផ្សេងទៀត ដែលអាចជួយក្នុងការកាត់បន្ថយភាពក្រីក្រ និងការបែងចែកទ្រព្យសម្បត្តិ។
Related Posts
- September 5, 2023
- January 10, 2023
- January 20, 2023
- December 19, 2022
