អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បាននិយាយកាលពីថ្ងៃសុក្រថា ទឹកជំនន់ទន្លេមេគង្គបានជន់លិច និងបានប៉ះពាល់ដល់តំបន់ផ្សេងៗគ្នាក្នុងទីក្រុង និងខេត្តចំនួន២០ នៅទូទាំងប្រទេសកម្ពុជា ដែលមកដល់ពេលនេះបណ្តាលឱ្យមនុស្សយ៉ាងហោចណាស់៦នាក់បានស្លាប់។
លោក សុទ្ធ គឹមកុលមុនី បានប្រាប់សារព័ត៌មានស៊ីនហួថា៖ «គ្រួសារចំនួន ២៩ ៤៨៩ បានរងផលប៉ះពាល់ ដោយក្នុងនោះ ២ ០២៩ នាក់ត្រូវបានជម្លៀសទៅកាន់តំបន់មានសុវត្ថិភាព»។
លោកបាននិយាយថា៖ «ទឹកជំនន់បានឆក់យកជីវិតមនុស្ស៦នាក់ និង៦នាក់ផ្សេងទៀតរងរបួស។
លោក កុលមុនី បន្ថែមថា ទឹកជំនន់ដែលជាធម្មតាកើតឡើងក្នុងប្រទេសកម្ពុជានៅចន្លោះខែសីហា ដល់ខែតុលា ក៏បានជន់លិចស្រូវចំនួន ២២ ៧១៣ និងដំណាំចំនួន ៣ ០២៦ ហិកតា ផ្សេងទៀតផងដែរ។
ទន្ទឹមនឹងនេះ អ្នកនាំពាក្យបាននិយាយថា ប្រទេសកម្ពុជាក៏បានកត់ត្រាអ្នកស្លាប់ចំនួន ៧៣នាក់ដោយសាររន្ទះបាញ់ និង ៩ នាក់បានស្លាប់ដោយសារខ្យល់ព្យុះក្នុងខែមករាដល់ខែកញ្ញា។
ទឹកជំនន់នៅប្រទេសកម្ពុជាក្នុងឆ្នាំ២០០០ត្រូវបានគេរាយការណ៍ថាអាក្រក់បំផុតក្នុងរយៈពេលជាង៧០ឆ្នាំ។ របាយការណ៍ផ្លូវការដែលចងក្រងដោយគណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃទី១៦ ខែវិច្ឆិកា ឆ្នាំ២០០០ បានកត់ត្រាចំនួនអ្នកស្លាប់ចំនួន៣៤៧នាក់ (៨០ភាគរយជាកុមារ) ។ Xinhua