ដើម្បីកែលម្អការអប់រំផ្នែកហិរញ្ញវត្ថុនៅក្នុងប្រទេសកម្ពុជា កាលពីថ្ងៃពុធសារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន (ស.ស.រ)និងសមាគមធនាគារនៅកម្ពុជាបានចុះហត្ថលេខាលើអនុស្សរណៈនៃការយោគយល់គ្នាសម្រាប់កិច្ចសហប្រតិបត្តិការ។
អនុស្សរណៈយោគយល់គ្នានេះត្រូវបានចុះហត្ថលេខានៅក្រោមអធិបតីភាពរបស់លោកស្រី ជា សិរី ទេសាភិបាលធនាគារជាតិនៃកម្ពុជា។ កិច្ចសហការនេះនឹងផ្តល់អត្ថប្រយោជន៍ដល់សិស្សសាលា ដោយនឹងជួយបន្ថែមចំណេះដឹងរបស់ពួកគេអំពីប្រវត្តិសាស្រ្តសេដ្ឋកិច្ចរូបិយវត្ថុរបស់ប្រទេសកម្ពុជា។
អនុស្សរណៈយោគយល់គ្នានេះក៏នឹងផ្តល់ឱ្យពួកគេនូវឱកាសយល់ដឹងពីវប្បធម៌ និងបង្កើនចំណេះដឹងជាក់ស្តែង។ ឯកសារនេះគឺជាផ្នែកមួយនៃគោលបំណងរយៈពេលវែងរបស់ធនាគារជាតិដើម្បីបង្កើនការយល់ដឹងលើបញ្ហាហិរញ្ញវត្ថុ។
ក្រោមអនុស្សរណៈយោគយល់គ្នានេះនេះ មូលនិធិរួមមួយនឹងត្រូវបានបង្កើតឡើងសម្រាប់ដំណើរទស្សនកិច្ចសិក្សា។
សមាគមធនាគារនៅកម្ពុជានឹងស្នើសុំធនាគារសមាជិករបស់ខ្លួននូវមូលនិធិដើម្បីគាំទ្រសិស្សសាលាដែលមកទស្សនាសារមន្ទីរ ស.ស.រ។ ទន្ទឹមនឹងនេះ ក៏មានផែនការដើម្បីធានាអោយមានការចុះកម្មសិក្សាពីតាមសាលារៀនផងដែរ។
សមាគមធនាគារនៅកម្ពុជាក៏នឹងដើម្បីបំពេញបន្ថែមកិច្ចខិតខំប្រឹងប្រែងផ្នែកទំនួលខុសត្រូវសង្គមសាជីវកម្មនៃវិស័យធនាគារកម្ពុជា ជាពិសេសនៅក្នុងវិស័យចំណេះដឹងផ្នែកហិរញ្ញវត្ថុ។
លោកRaymond Sia ប្រធានសមាគមនធនាគារនៃកម្ពុជាបាននិយាយថា «តាមរយៈគំនិតផ្តួចផ្តើមនេះ យើងបានសម្របកិច្ចខិតខំប្រឹងប្រែងរបស់យើងជាមួយនឹងគោលការណ៍ហិរញ្ញវត្ថុប្រកបដោយនិរន្តរភាពរបស់សមាគមធនាគារនៅកម្ពុជា ដែលបង្ហាញពីតួនាទីរបស់វិស័យធនាគារក្នុងការកសាងសមត្ថភាព និងលើកកម្ពស់ការយល់ដឹងសម្រាប់អនាគតប្រកបដោយនិរន្តរភាព និងបរិយាបន្ន។ យើងជឿជាក់ថា ការអប់រំបង្កើនចំណេះដឹង ហើយកិច្ចសហការនេះ គឺជាការវិនិយោគផ្ទាល់សម្រាប់វិស័យហិរញ្ញវត្ថុភាពរឹងមាំ និងភាពធន់នៃវិស័យធនាគារក្នុងពេលអនាគត ក៏ដូចជាសុខុមាលភាពរបស់ប្រជាពលរដ្ឋកម្ពុជា”។
លោក Blaise Kilianសហប្រធានសារមន្ទីបានលើកឡើងថា “កិច្ចសហប្រតិបត្តិការដ៏សំខាន់នេះនឹងអនុញ្ញាតឱ្យសិស្សសាលារដ្ឋរាប់ពាន់នាក់អាចទៅទស្សនាសារមន្ទីរ ស.ស.រក្នុងឆ្នាំខាងមុខនេះ។ ខ្ញុំសូមថ្លែងអំណរគុណចំពោះការគាំទ្ររបស់សមាគមធនាគារនៅកម្ពុជា និងសមាជិករបស់ខ្លួនដែលបានបង្ហាញពីការប្តេជ្ញាចិត្តក្នុងការលើកកម្ពស់ការអប់រំផ្នែកហិរញ្ញវត្ថុ និងបរិយាបន្នកំណើននៅក្នុងប្រទេសកម្ពុជា»។
លោកស្រី ជា សិរី ទេសាភិបាលធនាគារជាតិនៃកម្ពុជាបាននិយាយថា “ការដឹងពីប្រវត្តិសាស្រ្ត ជាពិសេសប្រវត្តិសាស្រ្តសេដ្ឋកិច្ច និងរូបិយវត្ថុ គឺចាំបាច់សម្រាប់មនុស្សជំនាន់ថ្មីក្នុងការស្វែងយល់ពីអតីតកាល ដូច្នេះហើយដើម្បីផ្តល់មូលដ្ឋានច្បាស់លាស់សម្រាប់ការសម្រេចចិត្តនាពេលបច្ចុប្បន្នដែលនឹងកំណត់អនាគតរបស់យើង។ ក្នុងន័យនេះ វាគឺមានសារៈសំខាន់ដែលមនុស្សគ្រប់រូបនៅក្នុងសង្គម ដោយមិនគិតពីសាវតាសេដ្ឋកិច្ច ទទួលបានចំណេះដឹងកាន់តែច្រើនអំពីការអប់រំ និងវប្បធម៌ទាំងនៅសាលា និងក្រៅសាលា។
អនុស្សរណៈយោគយល់គ្នានេះបានចូលជាធរមានភ្លាមៗ ហើយនឹងនៅមានសុពលភាពរហូតដល់ថ្ងៃទី៣១ខែធ្នូ ឆ្នាំ២០២៤ដោយអាចបន្តសុពលភាពបាន។
Related Posts
- April 4, 2023
- June 22, 2023
- September 8, 2023
- April 11, 2023
