Do Van Chienប្រធានគណៈកម្មាធិការមជ្ឈិមរណសិរ្សមាតុភូមិវៀតណាម បានផ្ញើសារអបអរសាទរជូនចំពោះសម្តេច ម៉ែន សំអន ប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជាដែលទើបនឹងជាប់ឆ្នោតថ្មី។
នៅក្នុងសារផ្ញើជូនសម្តេច ម៉ែន សំអន ដែលមានតួនាទីជាអនុប្រធានគណបក្សប្រជាជន និងជាឧត្តមប្រឹក្សាផ្ទាល់ព្រះមហាក្សត្រ ផងដែរនោះ លោកDo Van Chienបានរំលឹកឡើងវិញនៃកិច្ចសហប្រតិបត្តិការផ្លែផ្ការវាងគណៈកម្មាធិការមជ្ឈិមរណសិរ្សមាតុភូមិវៀតណាម និងក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជាហើយលោកជឿជាក់ថាសម្តេច ម៉ែន សំអន នឹងដឹកនាំក្រុមប្រឹក្សាឲ្យរីកចម្រើនទៅមុខ និងទទួលបានសមិទ្ធផលបន្ថែមទៀត។
លោកសង្ឃឹមថា សម្តេចម៉ែន សំអន នឹងបន្តយកចិត្តទុកដាក់បន្ថែមចំពោះទំនាក់ទំនងរវាងស្ថាប័នទាំងពីរ រួមចំណែកក្នុងការពង្រឹងកិច្ចសហប្រតិបត្តិការដ៏ល្អ និងមិត្តភាពប្រពៃណីរវាងប្រទេសទាំងពីរ។VNA