លោក Hu Jinjun អគ្គនាយករង នៃអគ្គស្ថានីយវិទ្យុនិងទូរទស្សន៍ចិនបាននិយាយក្នុងអំឡុងពិធីបើកព្រឹត្តិការណ៍នេះកាលពីថ្ងៃសុក្រថា “ដំណើរភាពយន្តចល័តកម្ពុជា-ចិនមិនត្រឹមតែធ្វើឱ្យជីវភាពរស់នៅរបស់ប្រជាជន ក្នុងតំបន់មានភាពសម្បូរបែប ប៉ុណ្ណោះទេ ក៏បង្ហាញពីប្រវត្តិសាស្ត្រវប្បធម៌ មនុស្សជាតិនិង អភិវឌ្ឍន៍ទំនើបរវាងប្រទេសចិន និង កម្ពុជាផងដែរ។
រៀបចំដោយស្ថានីយវិទ្យុនិងទូរទស្សន៍ចិនស្ថានទូតនៃសាធារណៈរដ្ឋប្រជាមានិតចិន និងក្រសួងវប្បធម៌ និងវិចិត្រសិល្បៈ ដំណើរបញ្ចាំងភាពយន្តចល័តនេះមានគោលបំណងលើកកម្ពស់ការផ្លាស់ប្តូរវប្បធម៌ និងកិច្ចសហប្រតិបត្តិការរវាងប្រទេសចិន និងកម្ពុជា ដោយផ្តល់ឱកាសឱ្យប្រជាជនកម្ពុជាមានឱកាសទស្សនាខ្សែភាពយន្តចិនល្អៗជាច្រើន។
លោកជំទាវ យូ សុភា អភិបាលរងខេត្តសៀមរាប បានលើកឡើងក្នុងពិធីនោះថា “សិល្បៈភាពយន្តនឹងផ្សារភ្ជាប់វប្បធម៌ប្រកបដោយប្រសិទ្ធភាព និងជាភ្នាក់ងារដ៏សំខាន់ក្នុងការបណ្តុះបណ្តាល ចិត្ត និងគំនិតរបស់មនុស្ស។
លោកជំទាវបានបន្ថែមថា “យើងជឿជាក់ថាព្រឹត្តិការណ៍នេះនឹងជួយប្រជាជនកម្ពុជាយល់កាន់តែច្បាស់អំពីប្រទេសចិន ពង្រឹងទំនាក់ទំនងរវាងគ្នាទៅវិញទៅមក ក៏ដូចជារវាងប្រទេសទាំងពីរ”។
ចាប់តាំងពីដំណើរភាពយន្តចល័តកម្ពុជា-ចិនត្រូវបានបង្កើតឡើងនៅឆ្នាំ២០១៦ មានខ្សែភាពយន្តជាង១០០ត្រូវបានដាក់បញ្ចាំងនៅទូទាំង២៥ រាជធានី និងខេត្តក្នុងប្រទេសកម្ពុជា ដែលទាក់ទាញអ្នកទស្សនាសរុបជាង ១០០,០០០នាក់ ។
បន្ទាប់ពីពិធីបើកត្រូវបានបញ្ចប់ ភ្ញៀវ និងទស្សនិកជនជិត១៥០នាក់បានចូលរួមទស្សនាខ្សែភាពយន្តភាគចិនដែលមានចំណងជើងថា “ឆ្លងទន្លេយ៉ាលូ” ដែលផលិតដោយស្ថានីយវិទ្យុនិងទូរទស្សន៍ចិន។ CGTN