អ្នកវិភាគសង្គម និងប្រធានសហជីពកម្មករបានសម្តែងការគាំទ្រចំពោះយុទ្ធនាការស្តីពី “សហគ្រាសមួយ ជាសហគមន៍សុខសាន្តមួយ” ដែលនឹងចាប់ផ្តើមនៅឆ្នាំ២០២៤ ខាងមុខនេះ។
អ្នកវិភាគសង្គម លោកបណ្ឌិត យង់ ពៅ បានគូសបញ្ជាក់ថា យុទ្ធនាការនេះនឹងរួមចំណែកដល់ការសម្រេចបាននូវសុខដុមនីយកម្មនៃទំនាក់ទំនងវិជ្ជាជីវៈសម្រាប់ទាំងនិយោជក និងនិយោជិត។
លោកបានបន្ថែមថា នោះនឹងផ្តល់ឱកាសសម្រាប់ការបណ្តុះបណ្តាលជំនាញបន្ថែមសម្រាប់កម្មករ ដើម្បីឆ្លើយតបទៅនឹងការផ្លាស់ប្តូរតម្រូវការការងាររបស់ពួកគេ។
លោក ហ្វា សាលី ប្រធានសម្ព័ន្ធសហជីពជាតិ ក៏បានកោតសរសើរ និងសម្តែងការគាំទ្រចំពោះយុទ្ធនាការនេះ ដោយលោកបានគូសបញ្ជាក់ថា វានឹងបើកឱកាសកាន់តែច្រើនដល់ក្រុមងាយរងគ្រោះ រួមមានជនពិការ កម្មករមានផ្ទៃពោះ និងក្រុមផ្សេងៗទៀត។
លោក លោក គង់ អាទិត្យ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា ជឿជាក់ថា យុទ្ធនាការនេះ នឹងបង្កើមសន្តិភាពក្នុងវិស័យឧស្សាហកម្ម ប៉ុន្តែត្រូវការកិច្ចសហការច្រើនរវាងកម្មករនិយោជិត និយោជក និងរដ្ឋាភិបាល។
បើតាមឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ យុទ្ធនាការនេះគឺជាអាទិភាពមួយរបស់រដ្ឋាភិបាលក្នុងការពង្រឹងបរិយាកាសការងារដែលចូលរួមការពារមិនអោយមានជម្លោះ និងបង្កើនមិត្តភាព។ AKP-Lim Nary