ផ្លូវជាតិលេខ៥ ដែលទើបនឹងសាងសង់ហើយនាពេលថ្មីៗនេះ នឹងជំរុញវិស័យសេដ្ឋកិច្ច និងពាណិជ្ជកម្មកម្ពុជាអោយកាន់តែខ្លាំងឡើងបន្ថែមទៀត ដោយផ្តល់អត្ថប្រយោជន៍យ៉ាងច្រើន តាមរយៈការបង្កើននៃការនាំចេញ និងនាំចូល ក៏ដូចជារួមចំណែកកាត់បន្ថយគ្រោះថ្នាក់ និងការកកស្ទះចរាចរណ៍ផងដែរ។
នេះត្រូវបានលើកឡើងដោយឯកឧត្តមបណ្ឌិត ហ៊ុន ម៉ាណែត នាយករដ្ឋមន្រ្តី នៅលើបណ្តាញទំនាក់ទំនងសង្គមកាលពីល្ងាចម្សិលមិញ ថា ប្រជាពលរដ្ឋដែលរស់នៅតាមបណ្តោយផ្លូវជាតិលេខ៥ នឹងមានជីវភាពកាន់តែល្អប្រសើរតាមរយៈកំណើននៃការអភិវឌ្ឍ វិនិយោគ និងទេសចរណ៍។
ផ្លូវជាតិលេខ៥ ប្រវែង ៣៦៦ គីឡូម៉ែត្រ គ្រោងនឹងសម្ពោធដាក់ឱ្យប្រើប្រាស់ជាផ្លូវការនៅចុងខែនេះ ក្រោមអធិបតីភាពឯកឧត្តមបណ្ឌិត ហ៊ុន ម៉ាណែត។
ផ្លូវជាតិលេខ៥ (ផ្លូវហាយវេអាស៊ានលេខ១) ស្ថិតនៅក្នុងអាទិភាពគន្លឹះទី២ នៃអាទិភាពគន្លឹះទាំង៥ គឺ “មនុស្ស ផ្លូវ ទឹក ភ្លើង និងបច្ចេកវិទ្យា” នៃយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា នីតិកាលទី ៧ ។
ម្រោងធ្វើឱ្យប្រសើរឡើងផ្លូវជាតិលេខ ៥គឺមានប្រវែងផ្លូវ ៣៦៦ គីឡូម៉ែត្រ ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ។ ផ្លូវនេះ មានចំណុចចាប់ផ្ដើម ពីព្រែកក្តាម ខេត្តកណ្ដា និងចំណុចបញ្ចប់ នៅក្រុងប៉ោយប៉ែត ខេត្តបន្ទាយមានជ័យ ហើយត្រូវបានបែងចែកចេញជា ៣ កំណាត់ គឺ៖ កំណាត់ទី១ ភាគខាងជើង (បាត់ដំបង-សិរីសោភ័ណ) កំណាត់ទី២ ភាគខាងត្បូង (ព្រែកក្តាម-ធ្លាម្អម) និងកំណាត់ទី៣ ភាគកណ្តាល (ធ្លាម្អម-បាត់ដំបង និងសិរីសោភ័ណ-ប៉ោយប៉ែត)។ ផ្លូវអាAKP-C.Nika