​កម្លាំង​ចម្រុះ​បាន​បន្ត​បង្ក្រាប​បទល្មើស​ធនធានធម្មជាតិ​ក្នុង​ខេត្ត​ពោធិ៍សាត់​ ​នៅ​ថ្ងៃ​ទី​២​១​ ​ខែ​មីនា​ ​ឆ្នាំ​២​០​២​៤​។​

កម្លាំង​ចម្រុះ​បាន​ធ្វើការ​រឹបអូស​ដី​ទំហំ​ ​១​,​៤​៥​៤​,​៨​៤​ ​ហិកតា​ ​ជា​សម្បត្តិ​រដ្ឋ​ ​និង​បាន​ចាប់​ខ្លួនមនុស្ស​ ​១​ ​នាក់​ ​និង​បញ្ជូន​សំណុំរឿង​៣​ផ្សេងទៀត​ទៅ​តុលាការ​។​

​ក្នុង​ប្រតិបត្តិការ​ក្តៅ​ក្នុង​ថ្ងៃ​ដដែល​ ​កម្លាំង​ចម្រុះ​បាន​រឹបអូស​ម៉ាស៊ីន​កិន​ដំឡូងមី​១​គ្រឿង​ ​រណា​អា​ឈើ​ចំនួន​៥​គ្រឿង​ ​កាំភ្លើងខ្លី​៣​ដើម​ ​កាំបិត​៣​ ​រោងអារឈើ​១​ ​និង​ឧបករណ៍​នេសាទ​។​

​សមត្ថកិច្ច​ក៏បាន​រឹបអូស​ខ្ទម​បណ្ដោះអាសន្ន​ចំនួន​ ​៣​៩​ ​ខ្នង​ ​ធុង​បាញ់ថ្នាំ​២​ ​ដើម​ដំឡូងមី​ ​១​១​១​០​ ​ដើម​ ​ចេក​២​៣​៧​ដើម​ ​ក្រូច​១​០​០​០​ដើម​ ​បង្គោល​របង​ថ្ម​ ​១​២​ដើម​ ​និង​បង្គោល​របង​ឈើ​២​២​៥​ដើម​។​

​កិច្ច​អន្តរាគមន៍​ទប់​ស្កាត់​បទល្មើស​ទន្ទ្រាន​យក​ដី​នៅ​តំបន់​ការពារ​នេះ​មានកម្លាំង​ចម្រុះ​ចំនួន​៧​៨​៩​នាក់​ ​រួម​មាន​ ​កង​រាជ​អាវុធហត្ថ​លើ​ផ្ទៃ​ប្រទេស​ ​កងកម្លាំង​នគរបាល​ជាតិ​ ​គណៈ​បញ្ជាការ​ឯកភាព​ខេត្ត​ ​និង​រដ្ឋបាល​មូលដ្ឋាន​គ្រប់​លំដាប់​ថ្នាក់​ក្នុង​ខេត្ត​ពោធិ៍សាត់​។​

​កម្លាំង​ទាំងអស់​បាន​ធ្វើការ​រួមគ្នា​ជាមួយ​ថ្នាក់​ដឹកនាំ​ ​មន្ត្រី​ជំនាញ​ ​និង​មន្ត្រី​ឧ​ទ្យានុ​រក្ស​នៃ​ក្រសួង​បរិស្ថាន​ ​ដើម្បី​អនុវត្ត​តាម​សារាចរ​ណែនាំ​របស់​រាជរដ្ឋាភិបាល​ ​ចំពោះ​ក្រសួង​បរិស្ថាន​ ​ក្រសួង​ស្ថាប័ន​ ​និង​អាជ្ញាធរ​ពាក់ព័ន្ធ​ ​ដើម្បី​បន្ត​ពង្រឹង​ការ​គ្រប់គ្រង​ធនធានធម្មជាតិ​ ​និង​ព្រៃឈើ​ ​និង​ទប់​ស្កាត់​។​ ​ការ​កាប់​បំផ្លាញ​ព្រៃឈើ​នៅ​ទូទាំង​ប្រទេស​។