​របាយការណ៍​មួយ​បាន​បង្ហាញ​ថា​ ​អគ្គនាយកដ្ឋាន​ពន្ធដារ​ (​G​D​T​) ​ទទួល​បាន​ពន្ធ​លើ​តម្លៃ​បន្ថែម​ (​VAT​) ​ចំនួន​ ​៦​២​.​៨​លាន​ដុល្លារ​លើ​ពាណិជ្ជកម្ម​អេ​ឡិច​ត្រូនិ​ក (​E​-​Commerce​ ) ​ក្នុងរយៈពេល​ដប់​ខែ​ដំបូង​នៃ​ឆ្នាំនេះ​។​​

ស្ថាប័ន​ដដែល​បាន​ឱ្យ​ដឹង​ថា​៖​ ​«​ពន្ធ​លើ​ពាណិជ្ជកម្ម​អេ​ឡិច​ត្រូនិ​ក​ត្រូវ​បាន​ប្រមូល​ពី​អ្នក​ជាប់ពន្ធ​មិនមែន​និវាស​ន​ជន​ចំនួន​ ​៨​២​ដែល​រួម​មាន​ ​សហគ្រាស​ ​អ្នក​ផ្គត់ផ្គង់​ទំនិញ​ ​និង​សេវាកម្ម​អេ​ឡិច​ត្រូនិ​ក​ពី​បរទេស​»​ ​។​

​រាជរដ្ឋាភិបាល​បាន​ចាប់ផ្តើម​អនុវត្ត​អាករ​លើ​តម្លៃ​បន្ថែម​តាម​ប្រព័ន្ធ​អេ​ឡិច​ត្រូនិ​ក​ក្នុង​ខែ​មេសា​ឆ្នាំនេះ​ ​ហើយ​ក្រុមហ៊ុន​ដែល​ជាប់​ពន្ធ​រួម​មាន​ ​Goo​g​l​e​, ​Face​book​, ​Y​ou​Tube​, ​A​l​i​b​a​b​a​, ​Micro​soft​ ​និង​ ​T​i​k​To​k​។​

​អគ្គនាយក​នៃ​អគ្គនាយកដ្ឋាន​ពន្ធ​ដា​ (GDT) ​លោក​ ​គង់​ ​វិបុល​ ​មានប្រសាសន៍ថា​ ​អាករ​លើ​ពាណិជ្ជកម្ម​អេ​ឡិច​ត្រូនិ​ក​ ​គឺជា​ប្រភព​ចំណូល​ដ៏​មាន​សក្តានុពល​សម្រាប់​ប្រទេស​។​

​លោក​​ថា​ ​កម្ពុជា​មាន​សក្តានុពល​ក្នុង​ការ​បង្កើន​ចំណូល​ថវិកាជាតិ​បន្ថែម​ទៀត។ ​ ​ពន្ធ​លើ​ប្រតិបត្តិការ​ពាណិជ្ជកម្ម​តាម​ប្រព័ន្ធ​អេឡិកត្រូនិ​ក​បរទេស​ក៏បាន​ធ្វើ​ឱ្យ​ប្រតិបត្តិ​ករ​ពាណិជ្ជកម្ម​អេ​ឡិច​ត្រូនិ​ក​ក្នុងស្រុក​មាន​
ក​ម្រិ​ត​ស្មើគ្នា​ផង​ដែរ​។​

​វេទិកា​ទិញ​ទំនិញ​តាម​អុីន​ធឺ​ណិ​ត​កំពុង​ក្លាយ​ជា​និន្នាការ​របៀបរស់នៅ​ដ៏​សំខាន់​នៅ​កម្ពុជា​ ​ដោយ​បង្កើត​ឱកាស​ជាច្រើន​សម្រាប់​អាជីវកម្ម​ខ្នាត​តូច​ ​ស្រប​នឹង​មានការ​កើន​ឡើង​នៃ​ចំណេះ​ដឹង​ផ្នែក​ឌី​ជី​ថល​ ​និង​គោល​នយោបាយ​គាំទ្រ​របស់​រដ្ឋាភិបាល​។​

​គួរ​រម្លឹក​ផង​ដែរ​ថា​ ​G​D​T​ ​ប្រមូល​ពន្ធ​សរុប​បាន​ ​៣​ ​ពាន់​លាន​ដុល្លារ​ក្នុងរយៈពេល​ ​១​០​ ​ខែ​ដំបូង​នៃ​ឆ្នាំ​ ​២​០​២​៣​ ​ដែល​ស្មើនឹង​ ​៨៥.៨​ ​ភាគរយ​នៃ​គោលដៅ​ថវិកា​។​

​លោក​ ​គង់​ ​វិបុល​ ​បាន​និយាយ​ថា​ ​ការ​ធ្វើ​ទំនើបកម្ម​នៃ​ប្រតិបត្តិការ​ ​G​D​T​ ​នាំ​ឱ្យ​អត្រា​ការ​ចុះបញ្ជី​កាន់តែ​ប្រសើរ​ឡើង​ ​ភាព​ប្រសើរ​ឡើង​នៃ​សេវាកម្ម​អ្នកជាប់ពន្ធ​ ​និង​ការ​បំពេញ​ឯកសារ​បង់ពន្ធ​ ​បន្ថែម​ពីលើ​ការពង្រីក​កន្លែង​រក្សា​ទុក​ទិន្នន័យ​ក្នុងចំណោម​របស់​ផ្សេងៗ​ទៀត​។​

​លោក​នាយករដ្ឋមន្ត្រី​ ​ហ៊ុន​ ​ម៉ា​ណែ​ត​ ​បាន​និយាយ​កាលពី​ពេលថ្មីៗនេះ​ថា​ ​ជាមួយនឹង​កំណើន​សេដ្ឋកិច្ច​រឹង​មាំ​ ​ចំណូល​ពន្ធ​នៅ​កម្ពុជា​មាន​ការ​កើន​ឡើង​គួរ​ឱ្យ​កត់​សម្គាល់​ ​ដែល​អនុញ្ញាត​ឱ្យ​រាជរដ្ឋាភិបាល​កសាង​ហេ​ដ្ឋា​រចនា​ស​ម្ព័ន្ធ​សំខាន់​ៗ​ដូចជា​ផ្លូវថ្នល់​ ​ស្ពាន​ ​អគារ​ ​សាលារៀន​ ​និង​មន្ទីរពេទ្យ​នៅ​ទូទាំង​ប្រទេស​។​

​នាយក​រដ្ឋមន្ត្រី​បាន​និយាយ​នៅ​ក្នុង​វេទិកា​រដ្ឋាភិបាល​-វិ​ស​័​យ​ឯកជន​លើក​ទី​១​៩​ ​ដែល​បាន​ធ្វើឡើង​កាលពី​ស​ប្តាហ៍​មុន​ថា​ ​រដ្ឋាភិបាល​នឹង​មិន​បង្កើត​ពន្ធ​ថ្មី​ ​ឬ​ដំឡើង​អត្រា​ពន្ធ​ដើម្បី​បន្ថែម​បន្ទុក​ដល់​ប្រជាពលរដ្ឋ​នោះ​ទេ​។​

​នៅ​ឆ្នាំ​ ​២​០​២​៣​ ​រដ្ឋាភិបាល​កំណត់​គោលដៅ​ ​៥​.​៥​ ​ពាន់​លាន​ដុល្លារ​ជា​ប្រាក់​ចំណូល​ពី​ពន្ធ​និង​គយ​ដែល​កើន​ឡើង​ជិត​ ​១​៦​ ​ភាគរយ​បើ​ប្រៀបធៀប​ទៅ​នឹង​ឆ្នាំ​ ​២​០​២​២​​៕