កាលពីថ្ងៃទី៧ ខែតុលា ក្រុមហ៊ុន Medlatec Group បានបើកគ្លីនិកមួយក្នុងប្រទេសកម្ពុជា ដោយរំពឹងផ្តល់សេវាវេជ្ជសាស្រ្តដែលមានគុណភាពខ្ពស់ដល់ប្រជាជនក្នុងស្រុក។
ឯកអគ្គរដ្ឋទូតវៀតណាមប្រចាំកម្ពុជា លោក Nguyen Huy Tang បានលើកឡើងថា កិច្ចសហប្រតិបត្តិការរវាងប្រទេសទាំងពីរត្រូវបានលើកកម្ពស់នៅក្នុងវិស័យផ្សេងៗជាច្រើន ក្នុងនោះកិច្ចសហប្រតិបត្តិការផ្នែកវេជ្ជសាស្រ្ដកំពុងត្រូវបានពង្រឹងកាន់តែខ្លាំង និងបានដើរតួនាទីយ៉ាងសំខាន់ផងដែរ។
លោកសង្ឃឹមថា អាជ្ញាធរ ស្ថាប័នវេជ្ជសាស្រ្តនិងបុគ្គលិកពេទ្យនៅកម្ពុជានឹងជឿជាក់ លើMedlatecដោយបង្កើតលក្ខខណ្ឌអំណោយផលក្នុងការអនុវត្តបេសកកម្មរបស់ខ្លួនក្នុងការថែរក្សាសុខភាពប្រជាជនឱ្យបានល្អជាមួយនឹងសេវាដែលមានគុណភាពខ្ពស់ រួមចំណែកដល់ការអភិវឌ្ឍន៍ផ្នែកវេជ្ជសាស្ត្រក្នុងរាជធានីភ្នំពេញ និងប្រទេសកម្ពុជាទាំងមូល។
ក្នុងឱកាសនេះ លោក Nguyen Xuan Dinhនាយកក្រុមហ៊ុន Medlatec Cambodia បានដាក់ចេញកញ្ចប់តេស្តចំនួន ៥,០០០ កញ្ចប់ ដែលមានតម្លៃ ៥៥,០០០ ដុល្លារ ដើម្បីពិនិត្យ និងស្វែងរកជំងឺមហារីកថ្លើមភ្លាមៗដល់ប្រជាពលរដ្ឋក្នុងរាជធានីភ្នំពេញ។
លោកក៏បានចុះហត្ថលេខាលើកិច្ចព្រមព្រៀងសហប្រតិបត្តិការជាយុទ្ធសាស្ត្រជាមួយដៃគូចំនួនបីគឺ Mekong Clinic, RCRC និង ធនាគារ BIDC ដោយសង្ឃឹមថាកិច្ចសហប្រតិបត្តិការរវាងភាគីនានានឹងនាំមកនូវអត្ថប្រយោជន៍បន្ថែមទៀតក្នុងការថែទាំសុខភាពសម្រាប់មន្ត្រី និងបុគ្គលិកនៃអង្គភាព ជាពិសេសសុខភាពរបស់ប្រជាជនកម្ពុជា។VNA