របាយការណ៍របស់ក្រសួងពាណិជ្ជកម្មបានអោយដឹងកាលពីថ្ងៃព្រហស្បតិ៍ថា កម្ពុជារកចំណូលបាន៣៣១ លានដុល្លារពីការនាំចេញកង់ទៅកាន់ទីផ្សារបរទេសនៅក្នុងឆមាសទីមួយនៃឆ្នាំ២០២៣ ធ្លាក់ចុះ ៣០.៥ ភាគរយបើធៀបនឹងឆ្នាំមុន។
អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ បាននិយាយថា កង់ ដែលផលិតនៅប្រទេសកម្ពុជាបាននាំចេញទៅកាន់សហភាពអឺរ៉ុប សហរដ្ឋអាមេរិក អង់គ្លេស កាណាដា ជប៉ុន និងចិន ក្នុងចំណោមប្រទេសផ្សេងៗទៀត។
លោកបានប្រាប់ Xinhua ថា “កង់បានក្លាយជាផលិតផលផលិតដ៏សំខាន់មួយរបស់យើងសម្រាប់ការនាំចេញ បន្ទាប់ពីសម្លៀកបំពាក់ ស្បែកជើង និងទំនិញធ្វើដំណើរ” ។
បច្ចុប្បន្នមានរោងចក្រកង់ចំនួន ៥ នៅកម្ពុជាដែលស្ថិតនៅក្នុងតំបន់សេដ្ឋកិច្ចពិសេសក្នុងក្រុងបាវិត ខេត្តស្វាយរៀង។
លោកនាយករដ្ឋមន្ត្រី ហ៊ុន សែន បានមានប្រសាសន៍កាលពីពេលថ្មីៗនេះថា ស្ថានភាពសេដ្ឋកិច្ចពិភពលោកបច្ចុប្បន្នមិនសូវល្អទេ ជាពិសេសនៅសហរដ្ឋអាមេរិក និងអឺរ៉ុប ដោយថាស្ថានភាពបែបនេះបានធ្វើឱ្យប្រជាជនក្នុងប្រទេសទាំងនោះរកចំណូលបានតិច ដូច្នេះការបញ្ជាទិញក៏ធ្លាក់ចុះផងដែរ៕ Xinhua