អគ្គនាយកដ្ឋានពន្ធដារ (GDT) បានប្រមូលចំណូលពន្ធចំនួន ៣.០៦ ពាន់លានដុល្លារ ក្នុងរយៈពេលដប់ខែដំបូងនៃឆ្នាំ ២០២៣។
តួលេខនេះត្រូវបានចេញផ្សាយកាលពីថ្ងៃទី១៥ ខែវិច្ឆិកា ក្នុងកិច្ចប្រជុំប្រចាំខែដែលដឹកនាំដោយលោក គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានពន្ធដារ ។
លោក គង់ វិបុល បានថ្លែងថា៖ «ការប្រមូលចំណូលពន្ធក្នុងរយៈពេលដប់ខែស្មើនឹង ៨៥,៨ ភាគរយនៃផែនការថវិកាប្រចាំឆ្នាំ។
នៅក្នុងខែតុលាតែមួយ GDT រកចំណូលបានប្រហែល 260 លានដុល្លារពីការប្រមូលពន។្ធ លោកបានបន្ថែមដោយកោតសរសើរដល់កិច្ចខិតខំប្រឹងប្រែងរួមគ្នារបស់មន្ត្រីក្នុងការប្រមូលប្រសិទ្ធភាពប្រាក់ចំណូលពន្ធ»។
លោកថា ទំនើបភាវូបនីយកម្មបានធ្វើឱ្យអត្រាការចុះបញ្ជីកាន់តែប្រសើរឡើង ការធ្វើឱ្យប្រសើរឡើងនូវសេវាកម្មអ្នកជាប់ពន្ធ និងការបំពេញឯកសារបង់ពន្ធ បន្ថែមពីលើការពង្រីកកន្លែងរក្សាទុកទិន្នន័យ ក្នុងចំណោមរបស់ផ្សេងៗទៀត។
កម្ពុជាមានស្ថាប័នចំនួនពីរដែលទទួលខុសត្រូវក្នុងការប្រមូលពន្ធ។ មួយគឺអគ្គនាយកដ្ឋានពន្ធដារ (GDT) ដែលផ្តោតលើពន្ធផ្ទៃក្នុងដូចជា ពន្ធលើប្រាក់ចំណូល ពន្ធលើប្រាក់បៀវត្សរ៍ ពន្ធលើតម្លៃបន្ថែម និងពន្ធអចលនទ្រព្យ ហើយមួយទៀតគឺអគ្គនាយកដ្ឋានគយ (GDCE) ដែលប្រមូលពន្ធពីទំនិញនាំចូល និងនាំចេញពីប្រទេស៕