WordPress პირველად 2003 წელს გამოჩნდა და ეს ერთ–ერთი მნიშვნელოვანი ეტაპი იყო, რადგან ამ პლატფორმამ საგრძნობლად გაამარტივა ვებგვერდის შექმნის შესაძლებლობა.

საიტებისა და ბლოგების მართვის სისტემა დაწერილია PHP პროგრამირების ენაზე, დღევანდელი მონაცემებით მას 60 მილიონზე მეტი საიტი იყენებს.

უამრავი დამხმარე კომპიუტერული პროგრამისა თუ ონლაინსერვისის საშუალებით ვებგვერდის შექმნა უფრო და უფრო მარტივდება. თანამედროვე პოპულარული პლატფორმა WordPress-იც სწორედ სიმარტივეს ემსახურება.

ამ კურსის ფარგლებში სრულფასოვანი ვებგვერდის შექმნას მსოფლიოში ერთ–ერთი ყველაზე პოპულარული CMS სისტემის, wordpress-ის, საშუალებით შეძლებ. კურსის ბოლოს გეცოდინება ინტერნეტის ფუნქციონირების პრინციპები, wordpress-ის ბაზაზე საკუთარი ვებგვერდის შექმნა და მართვა, Embed კოდებთან მუშაობა. ბოლო ერთი თვის განმავლობაში კი ლექტორის დახმარებით რეალურ პროექტზე იმუშავებ.