ស្ថានទូតអូស្ត្រាលីប្រចាំនៅកម្ពុជា បានឱ្យដឹងនៅក្នុងសេចក្តីជូនដំណឹងនាថ្ងៃសុក្រថា អូស្ត្រាលីបានគាំទ្រកម្មវិធី IndoPacLab នៅទូទាំងប្រទេសកម្ពុជា ឡាវ និងប៉ាពួញូហ្គីណេ ដើម្បីពង្រឹងសមត្ថភាពមន្ទីរពិសោធន៍សម្រាប់ការធ្វើតេស្តរកមេរោគអេដស៍ របេង គ្រុនចាញ់ និងកូវីដ-១៩។
វេទិកា៣ប្រទេសស្តីពី IndoPacLab ត្រូវបានប្រារព្ធឡើងក្នុងទីក្រុងភ្នំពេញនាពេលថ្មីៗនេះ ដែលភាគីពាក់ព័ន្ធមកពីប្រទេសកម្ពុជា ឡាវ និងប៉ាពួញូហ្គីណេ បានជួបប្រទះ និងឆ្លុះបញ្ចាំងពីនិរន្តរភាព និងការដឹកនាំជាតិ។
ប្រភពបានគូសបញ្ជាក់ថា នៅក្នុងប្រទេសកម្ពុជា កម្មវិធីក្រោមភាពជាដៃគូជាមួយក្រសួងសុខាភិបាល បានកាត់បន្ថយពេលវេលានៃការធ្វើតេស្តរកមេរោគអេដស៍ចំពោះស្ត្រីមានផ្ទៃពោះ និងបង្ហាញទារកពីរយៈពេលជាងពីរសប្តាហ៍មកនៅត្រឹមប្រមាណប្រាំម៉ោង។
បន្ទាប់ពីកម្មវិធីសាកល្បងប្រកបដោយជោគជ័យដែលគាំទ្រដោយប្រទេសអូស្ត្រាលីតាមរយៈ IndoPacLab ក្រោមមូលនិធិសកល កម្ពុជានឹងដាក់ចេញនូវវិធីសាស្ត្រធ្វើតេស្តថ្មីៗទូទាំងប្រទេស ដើម្បីកាត់បន្ថយពេលវេលានៃការធ្វើតេស្តរកមេរោគអេដស៍សម្រាប់ស្ត្រីមានផ្ទៃពោះ និងទារកដើម្បីឱ្យទទួលបានលទ្ធផលក្នុងថ្ងៃតែមួយ។
AKP