លោក សរ កក្កដា អភិបាលក្រុងព្រះសីហនុ បាននិយាយថា ផ្លូវល្បឿនលឿនភ្នំពេញ-ព្រះសីហនុ ប្រវែង១៨៧គីឡូម៉ែត្រ បានកាត់បន្ថយពេលវេលាធ្វើដំណើររវាងរាជធានីភ្នំពេញនិង ខេត្តព្រះសីហនុ ពី៦ម៉ោងមកត្រឹមតែ២ម៉ោងប៉ុណ្ណោះ។
លោកបន្តថា៖ «ផ្លូវល្បឿនលឿននេះបានបង្កើនចំនួនភ្ញៀវទេសចរដែលមកទស្សនាខេត្តព្រះសីហនុ»។ «ខ្ញុំសង្ឃឹមថា តាមរយៈការអនុវត្តគំនិតផ្តួចផ្តើមនេះ សមិទ្ធិផលថ្មីៗនឹងបន្តកើតមានក្នុងខេត្តព្រះសីហនុទៅមុខទៀត»។
ទំហំពាណិជ្ជកម្មរវាងកម្ពុជា និងចិនមានចំនួនដល់១០ពាន់លានដុល្លារក្នុងរយៈពេល១០ខែដំបូងនៃឆ្នាំ២០២៣ កើនឡើង៤,៦ភាគរយធៀបនឹងឆ្នាំមុន នេះបើតាមតួលេខដែលចេញផ្សាយដោយអគ្គនាយកដ្ឋានគយនិងរដ្ឋាករ។
Zhuge Yun ជាអ្នកគ្រប់គ្រងគម្រោងនៅក្រុមហ៊ុនថាមពលថ្មី Chint Solar បានរក្សាទុកកាក់របស់ប្រទេសអេហ្ស៊ីបដែលមានរូបព្រះអាទិត្យនៅក្នុងថតតុរបស់គាត់។
គាត់បាននិយាយថា “ខ្ញុំបាននាំយកកាក់នេះមកពីប្រទេសអេហ្ស៊ីប” ដោយរំលឹកពីការងារបស់គាត់នៅប្រទេសនោះកាលពី៤ ឆ្នាំមុន ដែលពេលនោះលោកបំពេញការងារជាអ្នកសាងសង់រោងចក្រថាមពលពន្លឺព្រះអាទិត្យ Benban។
រោងចក្រថាមពលពន្លឺព្រះអាទិត្យ Benbanមានទីតាំងនៅភាគខាងកើតនៃវាលខ្សាច់សាហារ៉ា ដែលមានពន្លឺថ្ងៃខ្លាំងបំផុតនៅលើពិភពលោក និងមានភ្លៀងធ្លាក់តិចតួចពេញមួយឆ្នាំ។
លើផ្ទៃដីប្រមាណ ៣៧ គីឡូម៉ែត្រការ៉េ រោងចក្រថាមពលនេះមានសមត្ថភាពដំឡើងថាមពលសរុបជាង ២០០០ មេហ្គាវ៉ាត់។
ក្រុមហ៊ុន Chint Solar រួមចំណែកផ្តល់ថាមពលប្រមាណ១៦៥,៥ មេហ្គាវ៉ាត់។
លោកបានបន្តថា “ការប្រើប្រាស់ថាមពលពន្លឺព្រះអាទិត្យ ដែលជាប្រភពថាមពលកកើតឡើងវិញ ដើម្បីផលិតអគ្គិសនី អាចកាត់បន្ថយការខ្វះខាតថាមពលក្នុងស្រុក និងជួយកែលម្អរចនាសម្ព័ន្ធថាមពលរបស់ប្រទេសអេហ្ស៊ីប” ដោយបន្ថែមថា ស្ថានីយ៍ថាមពលនេះនឹងដំណើរការរហូតដល់២៥ ឆ្នាំ ខាងមុខដោយផ្តល់ការងារ និងប្រាក់ចំណូលដល់ប្រជាជនក្នុងតំបន់។
ប្រទេសចិនបានស្នើអោយមានការកសាង “ខ្សែក្រវាត់សេដ្ឋកិច្ចតាមបណ្តោយផ្លូវសូត្រ” នៅប្រទេសកាហ្សាក់ស្ថានក្នុងឆ្នាំ២០១៣រួមបញ្ជូលជាមួយនឹងសំណើផ្លូវសូត្រសមុទ្រសតវត្សទី២១ដែលក្រោយមកបានក្លាយជាគំនិតផ្តួចផ្តើមខ្សែក្រវាត់ និងផ្លូវ។
១០ឆ្នាំក្រោយមក គម្រោងជាច្រើនដូចជារោងចក្រថាមពលពន្លឺព្រះអាទិត្យ Benbanបានជំរុញកិច្ចសហប្រតិបត្តិការក្នុងចំណោមប្រទេសដែលចូលរួមជាមួយគំនិតផ្តួចផ្តើមខ្សែក្រវាត់ និងផ្លូវដោយធ្វើឱ្យប្រសើរឡើងនូវជីវភាពរស់នៅរបស់ប្រជាជនក្នុងតំបន់ដោយនាំមកនូវឱកាសអភិវឌ្ឍន៍ថ្មីៗ។
នៅក្នុងសន្និសិទផ្លាស់ប្តូរទស្សនកិច្ចអភិបាលក្រុងឆ្នាំ២០២៣ ស្តីពីឥទ្ធិពលទីក្រុងផ្លូវសូត្រសមុទ្រ ដែលបានប្រព្រឹត្តទៅកាលពីថ្ងៃសុក្រដល់ថ្ងៃសៅរ៍នៅទីក្រុង Wenzhou នៃខេត្ត Zhejiang ប្រទេសចិន មន្ត្រីនិងអ្នកតំណាងធុរកិច្ចមកពីទីក្រុងផ្លូវសូត្រសមុទ្របានចែករំលែកបទពិសោធន៍ និងការអនុវត្តរបស់ពួកគេក្នុងការរួមគ្នាអភិវឌ្ឍគំនិតផ្តួចផ្តើមខ្សែក្រវាត់ និងផ្លូវ។
Tsingshan Holding Group គឺជាសហគ្រាសចិនដំបូងគេបំផុតមួយ ដែលចូលរួមក្នុងការសាងសង់ខ្សែក្រវាត់ និងផ្លូវរួមគ្នា។
ក្រុមហ៊ុនបានវិនិយោគលើការសាងសង់សួនឧស្សាហកម្មចំនួនពីរនៅក្នុងប្រទេសឥណ្ឌូនេស៊ីក្នុងរយៈពេល១០ឆ្នាំកន្លងមកនេះ។ សួនឧស្សាហកម្មបានធ្វើអោយចំនួនក្រុមហ៊ុនចិនកើនឡើងក្នុងប៉ុន្មានឆ្នាំថ្មីៗនេះ។
ក្រុមហ៊ុនកំពុងស្វែងរកកិច្ចសហការបន្ថែមទៀតជាមួយបណ្តាប្រទេសដែលចូលរួមក្នុងកិច្ចសហប្រតិបត្តិការផ្លូវសូត្រសមុទ្រ ហើយសង្ឃឹមថានឹងចែករំលែកបទពិសោធន៍ជោគជ័យរបស់ខ្លួនជាមួយដៃគូជាច្រើនទៀត។
ទិន្នន័យផ្លូវការបង្ហាញថា ពីឆ្នាំ២០១៣ដល់ឆ្នាំ ២០២២ទំហំនៃការនាំចូល និងនាំចេញរវាងប្រទេសចិន និងប្រទេសដៃគូគំនិតផ្តួចផ្តើមខ្សែក្រវាត់ និងផ្លូវមានចំនួន ១៩,១ទ្រ៊ីលានដុល្លារ ជាមួយនឹងអត្រាកំណើនប្រចាំឆ្នាំជាមធ្យម ៦,៤ភាគរយ។ ការវិនិយោគទ្វេភាគីរវាងប្រទេសចិន និងប្រទេសដៃគូគំនិតផ្តួចផ្តើមខ្សែក្រវាត់ និងផ្លូវបានកើនឡើងដល់៣៨០ពាន់លានដុល្លារ រួមទាំង២៤០ពាន់លានដុល្លារពីប្រទេសចិន។Xinhua
Related Posts
- January 10, 2023
- January 20, 2023
- December 19, 2022
- September 5, 2023
