စစ်ကိုင်းတိုင်း၊ မုံရွာမြို့၊ မြို့သစ်ရပ်ကွက် GTC ကျောင်းအတွင်းတပ်စွဲထားသည့် စစ်ကောင်စီ တပ်ဖွဲ့ကို ယမန်နေ့ မေလ ၁၅ ရက် နံနက်ပိုင်းက ဝင်ရောက်တိုက်ခိုက်ခဲ့ကြောင်း Monywa Fighter Group က ထုတ်ပြန်ထားသည်။
GTC ကျောင်း၌ တပ်စွဲထားသော စကစ(စစ်ကောင်စီတပ်ဖွဲ့)၊ ပျူ(ပျူစောထီးဆိုသူ)များ ကျောင်းဝန်းရှေ့ စုဝေးနေချိန် တိုက်ခိုက်ခြင်းဖြစ်သည်ဟု ထုတ်ပြန်ချက်တွင် ဖော်ပြထားသည်။
အဆိုပါတိုက်ခိုက်မှုအား Monywa Fighter Group ၊ ဒဿ Monywa PDF နှင့် Bo Tathaung People's Defense Force(BTT PDF)ပြောက်ကျားတပ်ဖွဲ့တို့ပူးပေါင်းတိုက်ခိုက်ခဲ့ခြင်းဖြစ်သည်ဟု ဆိုသည်။
တိုက်ခိုက်မှုအတွင်း ပြည်သူ့ကာကွယ်ရေးတပ်ဖွဲ့မှ ထိခိုက်ကျဆုံးခြင်းမရှိဘဲ အောင်မြင်စွာဆုတ်ခွာ နိုင်ခဲ့ ကြောင်း သိရသည်။
မေလ ၁၂ ရက်ကလည်း မုံရွာစီးပွားရေးတက္ကသိုလ်၌ ဂိတ်ချထားသည့် စစ်ကောင်စီတပ်ဖွဲ့အား တိုက်ခိုက် ခဲ့ရာ နှစ်ဦးသေဆုံးခဲ့ကြောင်း တော်လှန်ရေးအင်အားစုများက ထုတ်ပြန်ထားသည်။
စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ
