លោក Rajesh Kumar នាយកប្រតិបត្តិនៃមជ្ឈមណ្ឌលសម្របសម្រួលឧក្រិដ្ឋកម្មតាមអ៊ីនធឺណិតនៃក្រសួងមហាផ្ទៃរបស់ប្រទេសឥណ្ឌា បានលើកឡើងកាលពីថ្ងៃពុធថា ប្រហែល ៥០ភាគរយនៃពាក្យបណ្តឹងឧក្រិដ្ឋកម្មតាមអ៊ីនធឺណិត ដែលទទួលបាននៅលើប្រព័ន្ធបណ្តាញផ្តល់ជំនួយ មានប្រភពមកពីប្រទេសចិន កម្ពុជា និងមីយ៉ាន់ម៉ា។
ក្នុងអំឡុងពេលធ្វើសន្និសីទសារព័ត៌មានកាលពីថ្ងៃអង្គារ លោកបាននិយាយថា ជាមធ្យមមានបណ្តឹងតាមអ៊ីនធឺណិតចំនួន ៥០០០ ករណីត្រូវបានចុះបញ្ជីជារៀងរាល់ថ្ងៃ ដោយលោកបានបន្ថែមថា ចាប់ពីថ្ងៃទី១ ខែមេសា ឆ្នាំ២០២១ ដល់ថ្ងៃទី៣១ ខែធ្នូ ឆ្នាំ២០២៣ លុយក្នុងទំហំប្រមាណប្រាក់ ₹10,319 crore ( ស្មើនឹង $133,514) ត្រូវបានបាត់បង់ដោយការក្លែងបន្លំតាមអ៊ីនធឺណិត។
នៅឆ្នាំ២០២៣ បានទទួលពាក្យបណ្តឹងអំពីឧក្រិដ្ឋកម្មតាមអ៊ីនធឺណិតចំនួន ១,៥ លានករណី កើនឡើងពី ២៦,០៤៩ ពាក្យបណ្តឹងនៅឆ្នាំ២០១៩។ ក្នុងរយៈពេល៥ ឆ្នាំកន្លងមកនេះ មានករណីប្រមាណ ៦៦.០០០ ពាក់ព័ន្ធនឹងបណ្តឹមឧក្រិដ្ឋកម្មតាមអ៊ីនធឺណិត។
លោកបានបន្តថា “ជារៀងរាល់ថ្ងៃមានបណ្តឹងចំនួន ៥.០០០ ករណី ត្រូវបានរាយការណ៍។ យោងតាមការប៉ាន់ស្មានរបស់យើងករណីប្រហែល ៤០-៥០% មានប្រភពពីក្រៅប្រទេស។
ជនរងគ្រោះអាចដាក់ពាក្យបណ្តឹងនៅលើគេហេទំព័រ cybercrime.gov.in ឬលេខទូរស័ព្ទទាន់ហេតុការណ៍ 1930។
ខ្សែទូរស័ព្ទ 1930 គឺដំណើរការនៅក្នុងរដ្ឋ និងដែនដីសហភាពទាំង៣៦។ ប្រសិនបើការហៅទូរស័ព្ទត្រូវបានធ្វើឡើងដោយជនរងគ្រោះក្នុងរយៈពេលមួយម៉ោងនៃឧក្រិដ្ឋកម្មដែលកំពុងប្រព្រឹត្តនោះ ធនាគារអាចបង្កកប្រាក់ទាំងនោះបាន។
ចាប់តាំងពីខែមេសា ឆ្នាំ២០២១ មក ទឹកប្រាក់ប្រមាណ ១១២៧ crore ត្រូវបានបង្កកនៅក្នុងគណនីធនាគារជាច្រើនដែលពាក់ព័ន្ធនឹងពាក្យបណ្តឹងរបស់ជនរងគ្រោះចំនួន ៤,៣ លាននាក់។ ប៉ុន្តែ រហូតមកដល់ពេលនេះ មានទឹកប្រាក់ត្រឹមតែប្រមាណ ₹១០០ crore ប៉ុណ្ណោះដែលត្រូវបានប្រគល់ជូនជនរងគ្រោះ។
លោកបានគូសបញ្ជាក់ថា នេះជាអ្វីដែលយើងព្រួយបារម្ភ ហើយរដ្ឋាភិបាលកំពុងបង្កើតយន្តការដើម្បីជួយប្រជាជនឱ្យទទួលបានប្រាក់ដែលត្រូវបានបង្កកមកវិញ។ “យើងបានពិគ្រោះជាមួយធនាគារ ហើយពួកគេបានប្រាប់យើងថាធនាគារត្រូវការដីការបស់តុលាការដើម្បីបញ្ចេញប្រាក់ទាំងនោះមកវិញ។ ទន្ទឹមនឹងនេះ យើងក៏បានពិគ្រោះយោបល់ផ្នែកច្បាប់ជាមួយអាជ្ញាធរពាក់ព័ន្ធ និងបានរៀបចំដំណើរការស្តង់ដារប្រតិបត្តិការ (SOP) ដើម្បីដោះស្រាយបញ្ហានេះ។ យើងកំពុងរង់ចាំការពិនិត្យផ្លូវច្បាប់ហើយយើងគួរតែអាចដោះស្រាយបញ្ហានេះក្នុងរយៈពេលប៉ុន្មានខែខាងមុខ»។
២៦៣ ធនាគារ រួមទាំងក្រុមហ៊ុនធ្វើពាណិជ្ជកម្មអេឡិចត្រូនិក និងសាជីវកម្មទូទាត់ជាតិនៃប្រទេសឥណ្ឌា (NPCI) ដែលបានបង្កើតប្រព័ន្ធទូទាត់UPI ក៏បានបញ្ជូលលេខទូរស័ព្ទទាន់ហេតុការណ៍ 1930 នេះទៅក្នុងប្រព័ន្ធរបស់ខ្លួន ផងដែរ ។
ប្រព័ន្ធស្វ័យប្រវត្តិត្រូវបានដំណើរការនៅពេលណាដែលមានបណ្តឹង ហើយលុយទាំងនោះនឹងត្រូវបានបង្កកទោះបីជាបានផ្ទេរពីគណនីមួយទៅគណនីមួយក៏ដោយ។
រហូតមកដល់ពេលនេះ ស៊ីមកាតចំនួន ២៩៥.៤៦១ គេហទំព័រចំនួន ២.៨១០ កម្មវិធីទូរស័ព្ទចំនួន៥៩៥ និងលេខ IMEI ចំនួន ៤៦.២២៩ ត្រូវបានបិទដោយផ្អែកលើពាក្យបណ្តឹងដែលទទួលបាន។ លោកបានបន្ថែមថា West Bengal, Odisha និង Assam គឺជាតំបន់ដែលសំបូរទៅដោយអ្នកទិញស៊ីមកាតតាមមធ្យោបាយខុសច្បាប់។
ការបោកប្រាស់តាមរយៈកម្មវិធីលើទូរស័ព្ទដៃ
លោកបានអោយដឹងទៀតថា មាននិន្នាការឧក្រិដ្ឋកម្មតាមអ៊ីនធឺណិតសំខាន់ៗចំនួនប្រាំដែលត្រូវបានកត់សម្គាល់កាលពីឆ្នាំមុន៖ ពាក្យបណ្តឹងប្រហែល ១,៤៩ លានត្រូវបានទទួលពាក់ព័ន្ធនឹងកម្មវិធី/គេហទំព័រវិនិយោគដែលផ្តល់ការងារក្រៅម៉ោង ឬល្បួងមនុស្សឱ្យចូលទៅក្នុងគម្រោង Ponzi ។
មានពាក្យបណ្តឹងចំនួន ៨៥.០០០ ទាក់ទងនឹងកម្មវិធីកម្ចីខុសច្បាប់ រួមទាំងពាក្យបណ្តឹងចំនួន ៤៣.០០០ ពាក់ព័ន្ធនឹងការក្លែងបន្លំលេខសំងាត់អតិថិជន និងលេខសម្ងាត់ប្រើក្នុងមួយដង ។ ទន្ទឹមនឹងនេះក៏មានពាក្យបណ្តឹងចំនួន ៣៤.០០០ ពាក់ព័ន្ធនឹងការក្លែងបន្លំ ឬការកាន់កាប់គណនីប្រព័ន្ធផ្សព្វផ្សាយសង្គម និង ១៩.០០០ បណ្តឹងអំពីការធ្វើទារុណកម្មផ្លូវភេទ។
“ការវិនិយោគលើកម្មវិធីទូរស័ព្ទភាគច្រើនមានប្រភពមកពីក្រៅប្រទេស។ ប្រជាជនមួយចំនួនធំក៏ត្រូវបានគេទាក់ទងទៅក្រៅប្រទេសដូចជាមីយ៉ាន់ម៉ា និងកម្ពុជាដើម្បីប្រតិបត្តិការក្លែងបន្លំ។ ថ្មីៗនេះ យើងបានជួយប្រជាជនឥណ្ឌាដែលត្រូវបានបង្ខាំងនៅក្នុងប្រទេសមីយ៉ាន់ម៉ាត្រឡប់មកវិញ។ នៅក្នុងកម្មវិធីខ្ចីប្រាក់ ទិន្នន័យរបស់ជនរងគ្រោះត្រូវបានក្លាយជារបស់បញ្ចាំ ខណៈដែលជនបោកប្រាស់បានគ្រប់គ្រងទូរស័ព្ទរបស់ពួកគេ ហើយលេខទូរស័ព្ទទាំងប៉ុន្មានដែលមាននៅក្នុងទូរស័ព្ទដៃនោះនឹងត្រូវបានរំខាន ប្រសិនបើជនរងគ្រោះមិនអាចសងប្រាក់ក្នុងអត្រាការប្រាក់ខ្ពស់នោះ” ។
លោកបាននិយាយទៀតថា ធនាគារRBIរបស់ឥណ្ឌា បានចុះបញ្ជីសកម្មវិធីកម្ចីបន្ទាន់ចំនួន៣៩៥ ដល់អ្នកប្រើប្រាស់ ហើយអាជ្ញាធរបានប្រកាសថា “គណនីទាំងនេះត្រូវបានអ្នកផ្សេងទៀតប្រើ” ដល់ធនាគារ និងក្រុមហ៊ុនហិរញ្ញវត្ថុផ្សេងទៀត ។
“ដោយសារយើងមានទិន្នន័យសរុបថ្នាក់ជាតិ យើងអាចកំណត់អត្តសញ្ញាណ និងបានដាក់សញ្ញាព្រមានលើគណនីទាំងនោះ ព្រមទាំងឈ្មោះធនាគារ ទីតាំងសាខា និងភូមិសាស្រ្តដែលគណនីបែបនេះត្រូវបានបើក។ ដោយមានជំនួយពីនគរបាល និងធនាគារ យើងកំពុងធ្វើការបិទគណនីបែបនេះ។
ឧក្រិដ្ឋកម្មតាមអ៊ីនធឺណិតភាគច្រើនត្រូវបានរាយការណ៍ពី Haryana, Telangana, Uttarakhand, Gujarat និង Goa ។ ក្នុងចំណោមទីតាំងទាំងនេះ ពាក្យបណ្តឹងភាគច្រើនបានរាយការណ៍មកពីទីក្រុងដេលី Chandigarh និង Puducherry ។ The Hindu