អង្គការអន្តរជាតិសម្រាប់ទេសន្តរប្រវេសន៍ (IOM) បានកោតសរសើរក្រសួងការងារ និងបណ្តុះបណ្តាលវិជ្ជាជីវៈដែលបានលើកកម្ពស់ និងការពារសិទ្ធិពលករចំណាកស្រុក។
នេះត្រូវបានលើកឡើងដោយលោកស្រី Kristin Parco ប្រធានបេសកកម្ម អង្គការអន្តរជាតិទេសន្តរប្រវេសន៍ប្រចាំកម្ពុជា ក្នុងពិធីអបអរសាទរទិវាពលករទេសន្តរប្រវេសក៍អន្តរជាតិដែលបានធ្វើឡើងនៅទីក្រុងភ្នំពេញនាពេលថ្មីៗនេះ។
លោកស្រីបានកត់សម្គាល់ពីវឌ្ឍនភាពកម្លាំងពលកម្ម និងការធ្វើចំណាកស្រុករបស់កម្ពុជា ដែលជាយន្តការអាទិភាពមួយក្នុងការលើកកម្ពស់ និងការពារសិទ្ធិរបស់ពលករចំណាកស្រុក។
យន្តការនេះបានចូលរួមចំណែកយ៉ាងសំខាន់ក្នុងការលើកកម្ពស់កម្រិតជីវភាពរបស់ពលករចំណាកស្រុក តាមរយៈគំនិតផ្តួចផ្តើម និងការសហការក្នុងតំបន់ និងអន្តរជាតិ។
លោកស្រីបាននិយាយថា ពលករចំណាកស្រុកកម្ពុជា គឺជាកម្លាំងចលករដ៏សំខាន់ក្នុងការជំរុញកំណើនសេដ្ឋកិច្ច ដោយបានគូសបញ្ជាក់ថា កម្ពុជារកចំណូលបានប្រមាណ ២,២ ពាន់លានដុល្លារក្នុងមួយឆ្នាំពីវិស័យនេះ ដោយបានបញ្ជូនពលករចំណាកស្រុកសរុបចំនួន ១,៣ នាក់ ទៅធ្វើការនៅប្រទេសថៃ កូរ៉េខាងត្បូង ជប៉ុន ម៉ាឡេស៊ី សិង្ហបុរី ហុងកុង និងអារ៉ាប៊ីសាអូឌីត។
លោកស្រីបានលើកឡើងទៀតថា អង្គការ IOM ត្រៀមខ្លួនរួចជាស្រេចក្នុងការជួយដល់កម្ពុជាក្នុងការលើកកម្ពស់ការធ្វើចំណាកស្រុកដោយស្របច្បាប់។AKP
Related Posts
- October 5, 2023
- January 10, 2023
- January 20, 2023
- September 5, 2023
