​សភា​ពាណិជ្ជកម្ម​អាមេរិក​នៅ​កម្ពុជា​ (​Am​C​ham​) ​នា​ពេលថ្មីៗនេះ​ ​បាន​រៀបចំ​វេទិកា​ស្តីពី​បញ្ហា​សំខាន់​នៃ​ក្រម​សីលធម៌​ធុរកិច្ច​ ​និង​ការ​ប្រឆាំង​អំពើពុករលួយ​។​ ​

ព្រឹត្តិការណ៍​នេះ​មាន​គោលបំណង​ប្រមូលផ្តុំ​អ្នកជំនាញ​ផ្នែក​ច្បាប់​ ​តំណាង​រដ្ឋាភិបាល​ ​និង​អ្នកដឹកនាំ​ធុរកិច្ច​ ​ដើម្បី​ដោះស្រាយបញ្ហា​ប្រឈម​ ​និង​ផល​ប៉ះពាល់​នៃ​អំពើពុករលួយ​ក្នុង​ទិដ្ឋភាព​ធុរកិច្ច​នៅ​កម្ពុជា​។​ ​វេទិកា​នេះ​ត្រូវ​បាន​រៀបចំ​ឡើង​ក្រោម​ប្រធាន​បទ​ “​ធុរកិច្ច​ ​ក្រម​សីលធម៌​និង​ការ​ប្រឆាំង​អំពើពុករលួយ​៖​ ​ការ​ធ្វើអាជីវកម្ម​តាមរបៀប​ត្រឹមត្រូវ​” ​បាន​ផ្តល់​ការយល់​ដឹង​ដ៏​មាន​តម្លៃ​ចំពោះ​សារៈសំខាន់​នៃ​ការ​ប្រកាន់ខ្ជាប់​នូវ​សីលធម៌​ ​និង​ច្បាប់​ក្នុងស្រុក​ ​ខណៈ​ដែល​កំពុង​ធ្វើ​ប្រតិបត្តិការ​អាជីវកម្ម​នៅ​ក្នុង​ប្រទេស​កម្ពុជា​។​

​លោក​ Ru​wan​ ​H​u​l​u​gall​e​ ​ប្រធាន​គណៈកម្មាធិការ​ច្បាប់​របស់​ ​Am​C​ham​ ​បាន​ថ្លែងសុន្ទរកថា​គន្លឹះ​ ​ដោយ​លើកឡើង​ពី​តម្រូវ​ការ​សម្រាប់​ក្រុមហ៊ុន​អាមេរិក​ ​អោយ​មាន​ប្រុងប្រយ័ត្ន​ក្នុង​ការ​ធ្វើអាជីវកម្ម​នៅ​កម្ពុជា​ ​ដោយ​យោង​តាម​ការ​អនុវត្ត​នៃ​ច្បាប់​ដូចជា​ ​ច្បាប់​អំពើពុករលួយ​បរទេស​ (​F​C​P​A​) ​និង​ច្បាប់​ ​G​l​ob​a​l​ ​Ma​g​n​it​z​k​y​ ​។​

លោក​ ​H​u​l​u​gall​e​ ​បាន​សង្កត់ធ្ងន់​ថា​ ​ការ​អនុវត្ត​អាជីវកម្ម​ស្រប​តាមច្បាប់​របស់​សហរដ្ឋអាមេរិក​ ​និង​ច្បាប់​ក្នុងស្រុក​ ​មិនមែន​គ្រាន់តែ​ជា​ការណែនាំ​ប៉ុណ្ណោះ​ទេ​ ​ប៉ុន្តែ​មិន​អាច​ខ្វះ​បាន​នោះ​ទេ​ ​ដោយសារ​សន្ទស្សន៍​អំពើពុករលួយ​ខ្ពស់​នៅ​កម្ពុជា​។​

​យោង​តាមច្បាប់​ស្តីពី​អំពើពុករលួយ​របស់​បរទេស​ ​ក្រុមហ៊ុន​អាមេរិក​មាន​ទំនួល​ខុសត្រូវ​ចំពោះ​ការ​សូកប៉ាន់​ដែល​ធ្វើឡើង​នៅ​បរទេស​ ​ទោះបីជា​សកម្មភាព​នេះ​កើតឡើង​នៅ​ក្រៅ​សហរដ្ឋអាមេរិក​ក៏ដោយ​។​ ​លើស​ពី​នេះ​ ​ច្បាប់​ ​G​l​ob​a​l​ ​Ma​g​n​its​k​y​ ​ដែល​ផ្តោត​លើ​សកម្មភាព​ពុករលួយ​ ​និង​ការរំលោភ​សិទ្ធិមនុស្ស​ ​អាច​រឹត​បន្តឹង​បន្ថែម​ទៀត​ជុំវិញ​ក្រុមហ៊ុន​ដែល​មិន​គោរព​តាម​ស្តង់​ដារ​សីលធម៌​។​ ​វា​ជា​ការសំខាន់​ក្នុង​ការ​កត់​សម្គាល់​ថា​ ​F​C​P​A​ ​អនុវត្ត​មិន​ត្រឹមតែ​ចំពោះ​បុគ្គល​ ​និង​ក្រុមហ៊ុន​ដែល​មាន​មូលដ្ឋាន​នៅ​សហរដ្ឋអាមេរិក​ប៉ុណ្ណោះ​ទេ​ ​ប៉ុន្តែ​ថែមទាំង​ចំពោះ​ក្រុមហ៊ុន​បរទេស​ដែល​បាន​ចុះបញ្ជី​នៅ​លើ​ផ្សារ​ហ៊ុន​សហរដ្ឋអាមេរិក​ផង​ដែរ​។​

​លោក​ ​D​e​v​in​ ​Bar​t​a​ ​ប្រធាន​សភា​ពាណិជ្ជកម្ម​អាមេរិក​នៅ​កម្ពុជា​បាន​ធ្វើ​បទ​បង្ហាញ​ពី​ការ​វិភាគ​នៃ​សន្ទស្សន៍​អំពើពុករលួយ​នៅ​កម្ពុជា​ ​ដែល​ដាក់​ចំណាត់ថ្នាក់​ប្រទេស​ក្នុង​ក​ម្រិ​ត​គួរ​ឱ្យ​ព្រួយបារម្ភ​នូវ​លេខរៀង​១​៥​០​ ​ក្នុងចំណោម​ ​១​៨​០​ ​ប្រទេស​ ​បើ​ប្រៀបធៀប​ទៅ​ប្រទេសជិតខាង​ដូចជា​ថៃ​និង​វៀតណាម​ដែល​ឈរ​នៅ​លេខ​១​០​១​និង​៧​៧​រៀង​គ្នា​។​ ​លោក​ ​Bar​t​a​ ​បាន​សង្កត់ធ្ងន់​ថា​ ​សន្ទស្សន៍​អំពើពុករលួយ​ខ្ពស់​នៅ​កម្ពុជា​ ​មិនមែន​គ្រាន់តែ​ជា​តួលេខ​ប៉ុណ្ណោះ​ទេ​ ​ប៉ុន្តែ​ជា​ការរារាំង​ដល់​អ្នក​វិនិយោគ​ដែល​មាន​សក្តានុពល​។​ ​លោក​បាន​អំពាវនាវ​ដល់​សហគមន៍​អាជីវកម្ម​ឲ្យ​ចាត់វិធានការ​ ​និង​ធ្វើសកម្មភាព​ ​លើក​ក​ម្ពស់​ការ​អនុវត្ត​អាជីវកម្ម​ប្រកបដោយ​តម្លា​ភាព​។​

​លោក​ ​Bar​t​a​ ​បាន​រំលឹក​ថា​ ​នៅពេលដែល​ក្រុមហ៊ុន​មួយ​ធ្លាក់​ចូល​ទៅ​ក្នុង​អន្ទាក់​នៃ​ការស៊ីសំណូក​ ​វ​បាន​ក្លាយ​ជា​វដ្ត​ដែល​មិន​ចេះ​ចប់​ ​ដោយមាន​បុគ្គល​កាន់តែ​ច្រើនឡើង​ទាមទារ​ការ​បង់​ប្រាក់​ខុសច្បាប់​។​ ​លោក​បាន​ជំរុញ​សមាជិកសភា​ឲ្យ​សកម្ម​ក្នុង​ការ​តស៊ូ​មតិ​ចំពោះ​ការ​អនុវត្ត​ក្រម​សីលធម៌​ ​និង​ចៀសវាង​អាកប្បកិរិយា​ពុករលួយ​។​ ​លោក​ ​យន់​ ​ស៊ីណាត​ ​អនុប្រធាន​អង្គភាព​ប្រឆាំង​អំពើពុករលួយ​ (​A​CU) ​ស្នើ​ឱ្យ​ក្រុមហ៊ុន​ផ្តល់​ម​ន្រ្តី​ទំនាក់ទំនង​ដើម្បី​ធ្វើការ​ជាមួយ​ ​A​CU ​ដោយ​សង្កត់ធ្ងន់​លើ​ការ​បើកចំហ​របស់​រដ្ឋាភិបាល​ក្នុង​ការ​សហការ​លើក​ក​ម្ពស់​តម្លា​ភាព​។