សភា​ពាណិជ្ជកម្ម​កម្ពុជា​ ​សហការ​ជាមួយ​ក្រុមប្រឹក្សា​ធុរកិច្ច​កម្ពុជា​-​អា​ស៊ាន​ ​គាំទ្រ​ដោយ​រដ្ឋាភិបាល​កម្ពុជា​ ​នឹង​ធ្វើជា​ម្ចាស់ផ្ទះ​នៃ​កិច្ចប្រជុំ​កំពូល​ធុរកិច្ច​កម្ពុជា​-​អា​ស៊ាន​ ​នៅ​ខែ​មេសា​ ​នៅ​រាជធានី​ភ្នំពេញ​។​

​លោក​ ​លឹម​ ​ហេង​ ​អនុប្រធាន​សភា​ពាណិជ្ជកម្ម​កម្ពុជា​ ​បាន​មានប្រសាសន៍ថា​ ​កិច្ចប្រជុំ​កំពូល​រយៈពេល​ពីរ​ថ្ងៃ​នឹង​ប្រព្រឹត្តទៅ​ចាប់ពី​ថ្ងៃ​ទី​១​ ​ដល់​ថ្ងៃ​ទី​២​ ​ខែ​មេសា​ ​នៅ​សណ្ឋាគារ​សូ​ហ្វី​តែ​ល​ភ្នំពេញ​ភូ​គី​ត្រា​ ​ក្នុង​រាជធានី​ភ្នំពេញ​ ​ដោយ​អញ្ជើញ​តួអង្គ​សេដ្ឋកិច្ច​មកពី​អា​ស៊ាន​ជាមួយ​អ្នកជំនាញ​ ​ដើម្បី​លើក​ក​ម្ពស់​ពាណិជ្ជកម្ម​ ​និង​ការ​តភ្ជាប់​ក្នុង​តំបន់​។​

​កិច្ចប្រជុំ​កំពូល​នេះ​នឹង​ចាប់ផ្តើម​បើក​ដោយមាន​សុន្ទរកថា​គន្លឹះ​ពី​ឯកឧត្តម​បណ្ឌិត​ ​នាយករដ្ឋមន្ត្រី​ ​ហ៊ុន​ ​ម៉ា​ណែ​ត​ ​និង​លោក​ ​គិត​ ​ម៉េង​ ​ប្រធាន​សភា​ពាណិជ្ជកម្ម​កម្ពុជា​ ​និង​ជា​ប្រធាន​ក្រុមប្រឹក្សា​ធុរកិច្ច​អា​ស៊ាន​-​កម្ពុជា​ ​ដោយមាន​ការចូលរួម​ពី​នាយក​ ​សហគ្រិន​ វិនិ​យោគិន​ ​និង​អ្នកជំនាញ​មកពី​គ្រប់​វិ​ស​័​យ​នៅ​ទូទាំង​អា​ស៊ាន​ ​និង​ពិភពលោក​។​

​ការពិភាក្សា​ជា​ក្រុម​ ​ពាក់ព័ន្ធ​នឹង​របៀបវារៈ​ដែល​ផ្តោត​លើ​ការ​តភ្ជាប់​បណ្តាញ​ថាមពល​អា​ស៊ាន​ ​និង​ថាមពល​ក​កើតឡើងវិញ​ ​និង​និរន្តរភាព​អា​ស៊ាន​ ​របៀបវារៈ​កម្ពុជា​-​ច្រក​ផ្លូវ​ទៅកាន់​អា​ស៊ាន​ ​និង​របៀបវារៈ​ការប្រើប្រាស់​បច្ចេកវិទ្យា​សម្រាប់​កំណើន​ប្រកបដោយ​បរិ​យា​ប័ន្ន​។​

​ប្រធាន​បទ​ទាំងនេះ​ត្រូវ​បាន​បង្ហាញ​ជាមួយនឹង​វគ្គ​អន្តរ​កម្ម​ ​ដែល​ស្វែងយល់​ពី​សក្តានុពល​របស់​ប្រទេស​កម្ពុជា​ដែល​ជា​ច្រក​យុទ្ធសាស្ត្រ​ទៅកាន់​ទី​ផ្សារ​អា​ស៊ាន​ ​ដោយ​ផ្តោត​លើ​ឱកាស​វិនិយោគ​ ​បរិយាកាស​ធុរកិច្ច​ ​និង​គំនិត​ផ្តួចផ្តើម​របស់​រដ្ឋាភិបាល​ក្នុង​ការ​គាំទ្រ​ការ​វិនិយោគ​បរទេស​។​

​អ្នកចូលរួម​ក៏មាន​គោលបំណង​ចង់​ឮ​ពី​អ្នកជំនាញ​ដែល​ពិភាក្សា​អំពី​តួនាទី​នៃ​បច្ចេកវិទ្យា​ក្នុង​ការ​លើក​ក​ម្ពស់​កំណើន​សេដ្ឋកិច្ច​ប្រកបដោយ​បរិ​យា​ប័ន្ន​នៅ​ក្នុង​អា​ស៊ាន​ ​ដោយ​ផ្តោត​លើ​បរិ​យា​ប​័ន្ន​ឌី​ជី​ថល​ ​ពាណិជ្ជកម្ម​អេ​ឡិច​ត្រូនិ​ក​ ​និង​ដំណោះស្រាយ​បច្ចេកវិទ្យា​ហិរញ្ញវត្ថុ​។​

​លោក​ ​លឹម​ ​ហេង​ ​បាន​មានប្រសាសន៍ថា​ ​ប្រធាន​បទ​ជាច្រើន​នឹង​ត្រូវ​បាន​ពិភាក្សា​ ​រួម​ទាំង​ការ​វិភាគ​អំពី​បញ្ហា​ប្រឈម​ ​និង​ឱកាស​សេដ្ឋកិច្ច​ ​នៅ​ក្នុង​ប្រទេស​កម្ពុជា​ ​ដើម្បី​ឱ្យ​បរិយាកាស​ធុរកិច្ច​មាន​ភាព​អំណោយផល​សម្រាប់​កំណើន​ ​និង​ជំរុញ​សមាហរណ​កម្ម​សេដ្ឋកិច្ច​ក្នុង​តំបន់​ ​និង​ពិភពលោក​។​

​លោក​ ​លឹម​ ​ហេង​ ​បាន​ប្រាប់​ខ្មែរ​ថា​ម​ស៍​កាលពី​ថ្ងៃអាទិត្យ​ ​ថា​ “​សភា​ពាណិជ្ជកម្ម​កម្ពុជា​ផ្តួចផ្តើម​រៀបចំ​កិច្ចប្រជុំ​កំពូល​ប្រចាំ​ឆ្នាំ​ក្នុង​គោលបំណង​លើក​ក​ម្ពស់​សក្តានុពល​វិនិយោគ​ដល់​វិនិ​យោគិន​បរទេស​ ​និង​ទាក់ទាញ​ពួកគេ​ឱ្យ​មក​វិនិយោគ​ក្នុង​ប្រទេស​កម្ពុជា​”​។​

​យោង​តាម​របាយការណ៍​របស់​ក្រុមប្រឹក្សាអភិវឌ្ឍន៍​កម្ពុជា​ ​បាន​ឱ្យ​ដឹង​ថា​ ​ប្រទេស​កម្ពុជា​បាន​ទាក់ទាញ​ការ​វិនិយោគ​ទ្រព្យ​សកម្ម​ថេរ​ចំនួន​ ​៤​,​៩​២​ ​ប៊ី​លាន​ដុល្លារ​ ​ក្នុង​ឆ្នាំ​២​០​២​៣​ ​កើន​ឡើង​ ​២​២​ភាគរយ​ ​ពី​ ​៤​,​០​៣​ ​ប៊ី​លាន​ដុល្លារ​កាលពីឆ្នាំមុន​។​

​ក្រុមប្រឹក្សាអភិវឌ្ឍន៍​កម្ពុជា​ ​បាន​ឱ្យ​ដឹង​ថា​ វិនិ​យោគិន​បរទេស​កំពូល​ទាំង​បី​នៅ​ក្នុង​ព្រះរាជាណាចក្រកម្ពុជា​កាលពីឆ្នាំមុន​គឺ​មកពី​ប្រទេស​ចិន​ ​សិង្ហបុរី​ ​និង​ម៉ាឡេស៊ី​ ​ដោយ​បន្ថែម​ថា​ការ​វិនិយោគ​ពី​ប្រទេស​ចិន​មាន​ចំនួន​ ​៦​៦​ ​ភាគរយ​នៃ​ការ​វិនិយោគ​សរុប​។​

​កាលពី​ខែ​មករា​ ​សភា​ពាណិជ្ជកម្ម​កម្ពុជា​ ​បាន​រៀបចំ​កិច្ចពិភាក្សា​ត្រៀម​នៃ​កិច្ចប្រជុំ​កំពូល​ ​ដោយ​ផ្តោត​លើ​ការ​ប្រមូល​ធាតុ​ចូល​ ​និង​កិច្ច​សហប្រតិបត្តិការ​ពី​គ្រប់​ភាគី​ពាក់ព័ន្ធ​ ​ជាពិសេស​សភា​ពាណិជ្ជកម្ម​កម្ពុជា​ ​និង​សមាគមពាណិជ្ជ​កម្ម​អន្តរជាតិ​ ​ដើម្បីឲ្យ​កិច្ចប្រជុំ​កំពូល​ធុរកិច្ច​កម្ពុជា​-​អា​ស៊ាន​ ​ទទួល​បាន​ជោគជ័យ​ ​និង​ជំរុញ​ការ​វិនិយោគ​នៅ​កម្ពុជា​ ​ដែល​ ​គឺជា​មជ្ឈមណ្ឌល​ស្នូល​របស់​អា​ស៊ាន​។​
C​h​e​a​ ​Van​y​u​t​h